方伊琪與丈夫謝永康，按攝影師要求坐在鞦韆上影相。方伊琪說：「我哋多數喺屋企睇電視，其實好少坐喺呢度。」
私家居
方伊琪 花園屋
香港寸金尺土，萬餘元一呎的住宅已屬等閒，想擁有花園洋房的居住環境，至少要有幾千萬身家。五年前，方伊琪找到現時的寓所，三層村屋足有二千多呎，地下的花園更有五千幾呎，售價只是三百餘萬，相信不少人聽後都會嘩聲四起。雖然位置屬錦田較偏遠的地方，但當連政府都要發展新界東北區時，小市民又有甚麼可選擇呢？
方伊琪與丈夫謝永康及仔仔，一家三口居住的天地，佔地五千呎，花園中間有一座小小的獨立屋，她將它改為獨立「廚房屋」，花園則種滿多種果樹。
原來，外國花園洋房的居所，香港仍然找得到，只是位置要遠一點。
方伊琪近年多參與演唱會的工作，閒時便過着養尊處優的生活，故她非常重視寓所的環境，「五年前睇報紙搵樓，想住村屋，搵吓搵吓唔覺意搵到咁遠。呢度係兩幅地，一幅係丁地，另一幅係農地，入嚟睇時已起晒屋，我將農地嗰邊嘅屋改為廚房，四周加番圍牆。」
「獨立屋」廚房的設備齊全，中間放了一張六人餐枱，而且還有閣樓用作儲物，非常實用。「早餐一定係老公煮，我哋多數食麥皮、十穀粥、豆漿，年紀大要食得健康啲。晚餐係我負責，最緊要煲湯，好多朋友嚟時，都話喜歡呢個廚房，可以一邊傾一邊煮，朋友又鍾意個花園，幾十人嚟 BBQ都無問題。」
獨立廚房在整個花園的中間位置，因此每當下雨天，由主屋行去也會弄濕身。 
設備齊全「廚房屋」約六百呎，其中兩邊是落地玻璃，屋頂的斜角設計，更添外國色彩。「廚房屋」設備齊全，廚櫃、飯枱等應有盡有。 
專業凍櫃專業用的凍櫃，是方伊琪的胞弟送贈，她說：「非常實用，容量好大。」
愛種果樹
花園種了幾棵果樹，每年夏天收成時，便是方伊琪最忙的時間。「夏天時陣陣果香，行出花園坐喺度，特別舒服。而且附近環境幽靜，好似度假咁。年年都會將收成送俾朋友，一家三口食唔晒！」
踏入地下的居所，玄關位放滿了佛像，「雖然我以前受洗過，但依家係拜佛，家中有啲佛像都係朋友送。」客廳的落地玻璃令客飯廳的光線更加充足，推開玻璃門便可走出花園，飯廳內放了一座鋼琴，便是兩夫妻練歌之處，「老公係音樂人，我開演唱會時，佢都係音樂總監，所以喺屋企都會夾吓歌。」
傳統飯廳除了「廚房屋」，屋內亦設有飯廳，家具以棕色為主，非常傳統。 
購自台灣故宮的「清明上河圖」。 
鋼琴上放了不少 fans送給方伊琪的禮物，其中一副的銀紙牌，有港幣及美金，非常搶眼。
客飯廳放滿一家三口合照，非常溫馨。 
[敞客廳客廳面積寬敞，打開落地玻璃步出趟門便可到花園，令屋內外打成一片。
和式休息室
二、三樓是睡房區，三樓更是仔仔的私人空間，方伊琪甚少踏足。她說：「阿仔都廿六歲，識得自己照顧自己，我唔理佢，而且近日佢都搬出去，要獨立生活，我都冇反對！」
方伊琪非常痛錫仔仔，三樓的和室便是例子，「佢（指兒子）細個時學過日文，鍾意日本文化，所以裝修時整咗個和室俾佢。佢同朋友成日喺度玩，等佢搬走後，我都會執吓三樓裝修吓。」
二千呎寓所，五千呎花園，方伊琪沒有請傭人打理，凡事親力親為，她說：「一屋三個人，每人負責一層囉，間中都會叫鐘點工人嚟執吓，但其實執自己屋企點會辛苦呀！」
和式起居室設於三樓的「和室」，充滿東瀛感覺，是仔仔的小天地，謝生謝太甚少踏足。 
多功能趟門和式起居當然不能缺少和風趟門，當趟門關上後，便成為一道特色牆，感覺歸一。 
和風擺設和室內的擺設除了充滿日本味道外，卡通人物的擺設也不少，「因為個仔鍾意，所以就愈買愈多喇！」
黃金杯這套杯子擺設，是購自意大利威尼斯的玻璃廠，三十年前的售價也要一千美金。皆因它的金色部分是真金製造的，而且至今也無脫色現象，手工一流。 
新式客廁地下的客廁，設計簡單，而且保養得宜，非常新淨。 
留言列表
{{ article.title }}
