娛樂八掛大放送★

周永恒聞背妻攬女：斷o左片

歌手周永恒（Roy）和太太趙頌茹（Yu）的二女愛希剛於上月初出世，前晚他被讀者目睹在酒吧跟妙齡少女又攬又錫，同行的還有狄龍之子譚俊彥，有指Roy與該少女先行離場，昨日向Roy求證此事，他坦言雖然「斷片」，強調沒做對唔住太太的事。

（資料圖片）

身為歌手周啟生姪子的Roy和前歌手女友Yu於2010年「奉女成婚」，婚後表現恩愛，育有兩歲的大女信希及剛出世個多月的二女愛希，自始「壞孩子」Roy也修心養性變「住家男」，豈料前晚有讀者爆料，聲稱在尖沙咀棉登徑的酒吧遇見Roy及狄龍之子譚俊彥在場內飲酒，最令人側目是已人為夫的Roy竟和一妙齡少女狀甚親暱，又攬又錫，該讀者更目睹Roy和女方撇下眾人提早離開。

留宿男友人家

昨日Roy在家中接受記者的電話訪問，承認前晚曾出街和朋友敍舊，不過因為飲了太多酒已印象模糊，他說：「我12點幾『斷咗片』啦。（有人報料話你同個女仔好親熱喎？）有冇相先，有圖有真相，酒吧唔係男就係女啦，最多都係同隔籬嗰女仔挨挨碰碰，一定冇自拍。（個女仔有冇咀你？）唔會咁狼啩？」Roy自爆因醉到不省人事整晚沒有回家，但只是到男性朋友家中留宿。

趙頌茹上月才再任媽咪，周永恒就去快樂夜蒲。

攬女夜蒲玩通宵

「乜咁早呀？」

而Yu接過Roy的電話受訪，她說老公整夜未歸只有擔心沒有嬲，對於Roy被指「偷食」？Yu仍然相信Roy，更十分維護老公的說：「覺得件事好搞笑囉，佢好耐冇蒲啦，一『放監』就有人報料。（老公天光先返屋企喎？）我冇話佢，只係問咗佢一句：『乜你咁早呀？』，都唔會叫佢戒酒，因為係佢個人嘅選擇。」

音樂組 

周永恒夜蒲畀女擒

音樂人周永恒與前歌手趙頌茹剛於上月再添千金，Roy前晚外出玩天光，被人目擊在夜店與辣妹又攬又錫！他昨日承認醉到「斷片」，但否認攬女過夜！至於趙頌茹則說：「老公真係唔好彩喇！」

音樂人周永恒（Roy）與趙頌茹（Yu）於2010年結婚，短時間內已生下兩名寶貝，上月阿Yu更為Roy誕下二女愛希，以前「壞孩子」性格的Roy頓成「顧家男」，加上成為基督徒不時為教會當義工，變得修心養性。不過，前晚有讀者爆料指Roy在尖沙咀棉登徑的酒吧出現，身邊除有影星狄龍兒子譚俊彥外，Roy身旁還有位辣妹，酒吧內毫不避忌公然又攬又咀，隨後Roy與辣妹更消失影蹤！

對於被指夜店攬女，Roy昨日接受訪問時，承認前晚與一班朋友在酒吧飲酒，並強調好耐冇蒲，只是「放監」一日，問到攬女一事？他即說：「冇冇冇！（話你又攬又錫喎？）咁大鑊！有冇相先？有圖有真相！」他坦言當晚沒有回家，因到酒吧之前已飲了不少酒：「飲到12點幾已經醉咗斷晒片，乜都唔記得！（去咗女仔屋企過夜？）梗係男仔屋企啦！」對於被指與辣妹親暱舉動，他堅稱：「唔記得，冇印象！（錫晒喎？）咁狼？真係唔記得！」

「放監一日就畀人報料」

另一邊廂，阿Yu閉關在家湊女，對於Roy撇下老婆「玩天光」，她不諱言：「係呀！佢尋晚冇返屋企，我好擔心佢人身安全，自己尋晚湊女都冇瞓過，見佢今朝返嚟咪問佢『乜咁早呀？』」有指Roy被辣妹攬啜，她表示沒有嬲，反問記者有冇相睇，更抵死說：「老公真係唔好彩喇！放監一日就畀人報料！（驚Roy出軌？）冇得驚！（要佢戒酒？）唔係我叫，係佢嘅選擇！（身為人夫要檢點？）暫時未覺佢有不檢點行為！」

音樂組

Roy被爆夜蒲惹女埋身，看來有排向老婆阿Yu解畫喇！ （資料圖片）

醉爆斷片圖：又飲又啜
爆料者指周永恒與譚俊彥夜蒲，周永恒被指與辣妹又攬又咀。

天光返歸
周永恒「玩天光」先返屋企，難免令徹夜冇瞓的阿Yu擔心。