媽咪姐手帳

胡定欣喺《法證先鋒III》做拜金大狀，同左面嘅張可頤同樣鍾意黎耀祥，跟手又喺《萬凰之王》做奸妃。原來現實生活嘅佢，都同張小姐一樣算到盡，即係精打細算嗰隻！



早前，胡定欣趁唔使開工，就揸住架上年買嘅福士車去銅鑼灣行街街。佢先去櫃員機排隊㩒錢，媽咪姐諗住佢準備大出血刺激經濟。而佢係就係同一個女性朋友出發到OL最buy嘅東角駅商場，不過全程玩電話多過睇衫。最後轉戰平民啲嘅總統商場。今勻終於中一件約$400蚊嘅T恤，擺上身試咗幾次，又打爛沙盆猛問售貨員件衫嘅質料，但最終都係㩒實荷包鬆人，一毫子都冇使過。新一代無綫慳妹仲唔係你！ ####



胡定欣揀衫笑曬，仲除低件褸，攞住件tee左度右度，明顯好有興趣，Sales亦落足嘴頭，但佢最終都係決定留多幾個錢傍身。






今年卅歲嘅胡定欣，貴為無綫姐仔，點都要有番啲「碼頭」見人！孭住大大個Chanel袋㩒機。呢啲錢，唔慳得！



玩多過買話就話行街，但胡定欣全程掛住玩電話、傳訊息。落緊樓梯都照㩒電話喎！同邊個傾得咁肉緊先？

arrow
arrow
    文章標籤
    胡定欣 算盡 忽然1周 850期
    全站熱搜

    stacylife 發表在 痞客邦 留言(0) 人氣()

    E-mail轉寄