媽咪姐手帳

以唱情歌上位嘅陳柏宇（Jason），早前喺電影《喜愛夜蒲》中飾演夜場經理，一幕跟宅男女神何佩瑜（Jeana）嘅激爆牀戲，睇到媽咪姐嘩嘩聲！但佢自己最深刻嘅，相信係同有份演出嘅江若琳師妹符曉薇（Leanne）日久生情嘞。

 

Jason早前大方公開戀情，但又自言想低調，所以日前佢同女友去圓方行街，就搵埋一個女友人做「電燈膽」。雖然呢pair熱戀情侶無咩親密舉動，但Leanne一直默默守護喺男友背後，名副其實做「背後的女人」。撞鬼嘅係陳柏宇不斷喺商場擘大口「放蚊」，仲持續咗十秒咁耐㖭！呢個時候，先發現佢個口嘅圓周原來幾大。拍咗幾個月拖咋喎！乜咁快就悶成咁呀？

拍戲冧女神

喺《喜愛夜蒲》同性感女神Jeana連場肉搏，羨慕死一眾宅男，亦係一大突破。

拍拖揀斯文

陳柏宇同女友（右）全程行到離行離列，反而女友人講得鬼咁興奮。三人行拍拖，係無癮啲嘅。 ####



我眼瞓咋！（設計對白）女友Leanne走玉女路線，嗰日着長褲加Tee好casual。媽咪姐諗起陳柏宇嘅前女友裕美，原來佢都係鍾情鄰家女孩多啲。









女友符曉薇

arrow
arrow
    文章標籤
    陳柏宇 拍 悶拖 忽然1周 850期
    全站熱搜

    stacylife 發表在 痞客邦 留言(0) 人氣()

    E-mail轉寄