媽咪姐手帳

懷緬過去，常陶醉……兩個人加埋有成百歲嘅阿旦鄭丹瑞同林珊珊，前幾日喺紅館開咗兩場「三十小神仙吹唱會」，除咗請一班80年代重量級歌星助陣外，一向錫屋企錫到燶嘅珊珊，仲搵埋林氏宗親會總動員撐場。

 

查實媽咪姐都係屬於呢個年代，所以一聽阿旦講《小男人周記》、露雲娜唱〈千年女王〉嗰陣，諗番起「那些年」往事，真係聽到眼濕濕㗎。不過見到快將50嘅珊珊，着住件火辣deep V豁出去又跳又唱；阿旦又擺「龍友希」上枱，講咩叫高潮嘅時候，媽咪姐真係笑到碌曬地。但要講最驚喜嘅，就梗係見到超cutie嘅珊珊同細佬阿Jan嘅童年相啦。三歲定八十，兩姊弟細細個已經表情十足，難怪大個咗，都一樣咁識得搞氣氛人開心啦！

cute爆姐弟

細細個嘅林珊珊同林海峰，眼仔睩睩，笑容一致。雖則四十年前影，但講真同大個嘅樣，分別唔大，特別係阿Jan cutie嘅爆牙標記，真係唔使等佢講棟篤笑，齋望呢張相媽咪姐已經笑得出。

隱形妹妹現身

唔講唔知，林珊珊除咗有林海峰同林曉峰兩個細佬外，原來仲有個妹妹，不過珊珊話個細妹太可愛，要好好保護，所以先少曝光啫！

60後Deep V

平時冇幾何着性感衫嘅林珊珊，呢一晚着住件deep V露事業線，同拍檔阿旦唱歌時，仲不經意見埋黑色Bra邊。

林家總動員

林海峰一家

每逢老公林海峰開騷，老婆彭羚都會乖乖坐喺台下。今次姑 奶開騷，彭羚仲帶埋兩個女捧場，大女林泳(小圖)個樣，眼圓圓似媽咪；有兩隻爆牙仔嘅細女林清，就似十足老竇。

林曉峰一家

至於細細佬林曉峰，當晚就帶咗兩個仔仔嚟撐家姐，兩個仔眼大鼻高，睇嚟老婆康子妮嘅DNA強過老公好多噃！

 

珊珊兩個女，大女李澄(右)俾人傳同農夫C君拍拖，細女李怡更爆出同廿四味阿肥影牀照，激到阿媽死死吓，不過三母女邊有隔夜仇，阿媽開騷，兩姐妹梗要嚟支持吓啦！

80年代巨星撐

一班80年代歌星包括周慧敏、劉美君同露雲娜成晚輪住上台，仲加埋林子祥父子，媽咪姐首首歌都識背咁滯，真係聽到唔願走。 ####






















arrow
arrow
    文章標籤
    林海 deep cutie 歌星 80 jan 小神仙 一班 十足 老婆
    全站熱搜

    stacylife 發表在 痞客邦 留言(0) 人氣()

    E-mail轉寄