媽咪姐手帳

今年係張敬軒加入樂壇十周年，上周五（4日）起一連三日就舉行咗《Star Hall Select港樂 X 張敬軒交響音樂會》，晚晚座無虛席，不知幾墟冚呀。媽咪姐都有去睇尾場（6日），在場除咗見到唔少圈中藝人捧場之外，仲不乏同軒仔同聲同氣兼老友鬼鬼嘅自己友，好似Wyman、賈思樂都睇到好雀躍，佢哋見到記者影相，仲向鏡頭戚戚眉，真係難掩幾分騷味。另外當然唔少得被傳與軒仔同居嘅「小斌女」關智斌，同埋一直喺背後全力支持軒仔嘅牆紙大王契爺陳鼎禮，總之星光熠熠啦。



有咁多自己友撐場，難怪佢台上同女dancer跳辣身舞時都natural high，之後仲忍唔住向台下觀眾飛吻㖭！小斌女，收到未呀！

明哥抱抱

多年來同外籍男子關係密切嘅黄耀明，呢晚就上埋台同軒仔合唱，當然仲要趁機攬一攬主角先啦！

賈思樂坐男人堆

現年54歲嘅賈思樂，身邊一直有位40歲左右嘅同性密友何家揚，仲一齊開公司，同住於沙田浚景花園。軒仔開騷當晚，賈思樂冇帶密友嚟，不過坐喺佢身邊嘅都係清一色男人，而賈思樂對住鏡頭一樣好風騷。

小斌女夠架勢

身為軒仔第一號密友嘅關智斌身份果然零舍不同，入場時都有保安哥哥陪伴在側。軒仔雖然唔能夠貼身護駕，不過亦大可放心喎！

Wyman黐雯女

黄偉文（Wyman）就成晚黐住鄧萃雯坐，見到好友軒仔表演，Wyman都笑吟吟，睇嚟好戥軒仔開心。



今次音樂會老闆係合和太子爺胡文新，佢非常欣賞軒仔，喺後台仲把握機會影合照（圖）。至於好錫軒仔嘅牆紙大王契爺陳鼎禮，當晚就全場同老婆坐定定睇騷。 ####



你哋真抵錫！（設計對白）



張敬軒得到各方好友支持，現場又座無虛席，忍唔住要送大家一個飛吻。



少近女色嘅軒仔，在台上罕有與女dancer跳貼身舞，右手仲幾乎掂到對方胸邊。















胡文新孖住影



契爺台下撐

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄