媽咪姐手帳

黃日華早前喺電影《奪命金》中扮演收買佬，雖然只得幾分鐘戲，但都好搶鏡吓！

其實今時今日嘅華哥，已經唔使搏殺，早兩日媽咪姐至喺九龍城撞見佢「一條冷」入咗一間平民時裝店睇嘢，仲邊睇邊同個賣衫靚姐social，睇佢個樣好似成日嚟咁，傾兩傾出門口食吓煙仔，然後又入去再吹水！卒之，華哥揀咗條59蚊嘅運動褲，同靚姐商量一輪，又放喺身上度吓長度，結果試都唔使試，就俾錢包好走人。值得一提嘅係，華哥買59蚊條運動褲，但係就坐四十幾萬嘅平治新車去。不論平貴，活得自在，媽咪姐覺得咁樣做人至快樂喎！



華哥平日會同明星足球隊去踢吓波，做吓運動，買衫都係買運動衫多，幾十蚊條褲，抵啦！

揸Benz買平褲

一身運動裝加個斜孭腰包，華哥真係好重「佬味」！不過可以揸Benz，仲要係C200新款，又有得吹水，夫復何求吖。 ####



老婆梁潔華做保險做到有聲有色，阿女亦亭亭玉立有自己生活，黃日華特別悠閒，吹水成為日常生活最大樂趣！




 

arrow
arrow
    文章標籤
    黃日華 吹水 最強 忽然1周 850期
    全站熱搜

    stacylife 發表在 痞客邦 留言(0) 人氣()

    E-mail轉寄