媽咪姐手帳

媽咪姐幾時都話，女仔最大盤嘅生意就係搵個好歸宿。好似「宇宙最強」甄子丹個姨仔汪圓圓咁，之前唔會亂拍拖，但一拍就同玩具大王蔡志明位公仔蔡加讚，級數幾咁強勁！日前媽咪姐行經尖沙嘴The Mira，就感受到蔡加讚嘅氣勢。話說當晚約八點左右，佢同圓圓坐住豪華七人車到酒店撐枱腳，架車剛停低喺門口，司機哥哥已急不及待落車幫少爺開車門。而另一邊廂，高大嘅保鑣哥哥，就開另一邊車門俾圓圓落車，簡直係好多人恨唔到嘅闊太生活。

 

之後保鑣哥哥驚少爺冷親，仲提佢着番件西裝褸㖭！不過，以後呢啲嘢，就由圓圓操心，因為呢pair熱戀情侶打算出年結婚，鑽石筍盤又少一個嘞！ ####



等我教你點做百億新抱啦！（設計對白）搵到好碼頭，圓圓得閒先接吓廣告，閒來同好姊妹行吓街，行完就等司機接，好嘆！



24歲嘅蔡加讚，係玩具大王蔡志明細仔，165億資產嘅下任揸fit人。着埋件西裝褸，更英！圓圓真識揀。



兩個保鑣，左右護法一樣，睇實少爺同準少奶，汪圓圓嘅豪門生活初體驗。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄