社交圈

兩個樣

2012年07月19日 ~~ 第1167期 香港《壹周刊》

對住咩人就用乜 嘢樣， 喺社交圈正常不過，好似細劉劉鑾鴻太太 Linda，對住許志安同鄭嘉穎反差夠晒大；模 E神 DaDa流汗後個樣，就令人唔多開胃。

陳靜大汗


上週三，「百果園 E神」 DaDa（陳靜）出席 Spa Collection活動，開場時佢著住 deep V裙戴晒頸鏈，好鬼優雅；不過活動 喺戶外舉行，最終女神都係敵唔過三十幾度高溫，搞到成身臭汗黐， 啲汗仲直流落五吋長 嘅事業線，呢個 moment DaDa即刻跌晒 watt，要助手幫佢抹胸，「我好易流汗，所以鍾意冷氣地方。」





傅明憲未能大方


傅明憲（上圖左二）和莊氏集團的太子莊家彬的姊弟戀，一直只係盛傳，當事人從無承認。上週五佢哋前後腳出席 Elecom品牌活動，同場但卻各據一隅，影單人照時大大方方，但一話合照，男方即趁傅明憲（左圖箭嘴示）做訪問時閃走。其實他們上月才結伴去沖繩參加朋友婚禮，被拍下同房晒底，問傅明憲是否有意公開戀情？她即睜大眼說：「低調啲、低調啲！」





薛芷倫走樣


劉嘉玲投資 嘅夜店 MUSE喺上海開第三間分店，上週四舉行開幕派對，薛芷倫亦飛上去蒲番晚。現場所見，曾經係 ball后 嘅佢下巴有 啲甩皮兼且唔係好上粉，狀態認真麻麻，相比起患病前 嘅佢（圓圖）真係有好大分別，所以話呢，健康無價呀！





細劉太厚此薄彼


細劉劉鑾鴻的太太 Linda，上週四晚以「生命熱線」的代表出席 Porsche Design的開幕活動，剪完綵，劉太向任嘉賓的許志安和鄭嘉穎派咭片，唔知劉太是否電視劇迷，對住已經有女友鄭四萬的許志安，只是禮貌交戲，但一見到視帝鄭嘉穎，即笑到四萬咁口，仲主動伸出玉手親近視帝添。





arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄