探熱針
十遊艇海上 P 強國富二代玩模
炎夏七月，坐慣私人飛機出國周圍玩的強國富二代，隨着天氣轉口味。週日（七月十五日）下午，身家過百億的前廣州巿長黎子流兒子黎亮，掛臨時車牌從陸路來港，舉行豪華遊艇高溫派對，劉嘉玲過百億身家緋聞男友景百孚，以及一班內地富二代出動十架遊艇，接龍搞大型水上舞池，並 call了近百模陪玩。
機不可失，被邀上船的李家誠舊愛 Deon（陳淑儀）及剩女莊思敏亦吼準機會，下海鬥釣金龜。
DJ打碟
週日下午二時，南丫島洪聖爺灣附近海面，有十隻豪華遊艇停泊在一起，七、八部水上電單車不停在海面打圈飛馳，十分壯觀。
原本平靜的水世界，變成有 DJ即場打碟蒲場，三十三度高溫下過百男女，在四方形浮台上跳舞，恍如置身蘭桂坊一樣熱辣辣。派對上，酒水供應源源不絕，強國富二代十隻遊艇開 P的壯觀場面，吸引水警駛近，在附近兜了一個圈後，見無可疑才離開。
比堅尼女及大隻男人堆中，竟發現莊思敏及李家誠前女友 Deon，兩位剩女在釣金龜派對，分頭獵物。
由於有多艘遊艇聚集，場面壯觀，水警亦一度駛近巡查，無可疑後才離開。
海上 P結束後，莊思敏將當日盛況放上微博。
中景百孚
現場所見，穿上白底粉紅點比堅尼的 Deon，雖然已經四字頭，但 34D身材仍有睇頭，但 Deon一直無落水，全程黐住一個頭戴草帽的男人，此人正是曾與劉嘉玲傳緋聞的內地百億富豪景百孚。
Deon釣金龜有一手，認清目標，並以人釘人方式， mark到實。
「 Deon真係好主動，個男人初頭都有交吓戲，後來已經唔理佢，但 Deon面皮夠厚，咬住唔放，最後個男人頂唔順，返咗入船艙， Deon都好冇癮。」有份出席船 P人士說。
全程坐在遊艇飲紅酒的黎亮（左一），對住兩個比堅尼女有傾有講，其中一個更坐在他大髀。至於戴帽的景百孚（右二），則被 Deon（右一）中咬住唔放。
其中一艘遊艇擺枱玩 Poker，不少富二代艇過艇玩足全程。
與眾同歡
與景百孚同船的另一內地百億富豪黎亮，在整個船 P中與一位樣貌清秀的女子表現親密，女方不時坐在黎亮大髀上有說有笑，二人關係非淺。
至於另一剩女 Jacquelin莊思敏，比釘住一個唔放的 Deon更活躍，在巨型浮台上，穿梭於一班大隻男中，絕不介意同模爭食。
「其實成單 嘢係 PLAY（中環其中一夜場）幫手搞 嘅，搵 DJ即場打碟，仲搵埋班模出 嚟襯吓，話就話模，都唔知邊個打邊個。今次都係班內地富豪 嚟 咗，個個都有遊艇，所以搞個海上 Party玩吓，但 嗰幾個富豪都冇落水，淨係坐喺自己架船度飲紅酒吹水。」
海上 P下午五時多結束，十架遊艇浩浩蕩蕩駛回中環 9號碼頭落客，然後再到天星碼頭放低另一班人，而一心想釣金龜的 Deon及莊思敏，最後均冇收穫，手空空落船。
有指李家誠跟徐子淇結婚多年，婚後仍對前度 Deon十分照顧，除打本給對方開美容院，亦贈半山物業，而年過 40的 Deon亦保養得宜，去年放在 facebook的三點式泳衣相，擺明晒身材。（《 FACE》圖片）
有份參加 10艇 P的莊思敏在舞池十分活躍，不單周圍走跟友人打招呼，又在臨時舞池跳舞。
黎亮（左一）跟景百孚（中）上岸後，依然雞啄唔斷繼續講，而打扮愈來愈 young的景百孚，又再轉 look換上恤衫走人。
Deon（左一）跟莊思敏（右一）以及友人無收穫，無晒心機的 Deon上岸後扁嘴嬲爆爆。
黎亮後台勁，來港坐的是掛有香港臨時車牌的七人車，身邊亦有一班疑似保鏢大隻男士傍住，十分架勢。
開 10艇 P，黎亮預備超多數量紅酒、啤酒， party結束後，工作人員要將多箱飲剩的酒搬走。
強國人幫曾蔭權鋪線
被指替過氣特首曾蔭權打通內地富豪網絡的黎亮，現年五十多歲，屬官二代的他，是多間上市公司董事及大股東，當中包括中新地產集團（控股）有限公司（ 563）、中國電力新能源發展有限公司（ 735）以及麗盛集團（控股）有限公司（ 1004）。早年跟影星于莉傳過緋聞，跟林學華拍拖多年，喜歡帶女友坐私人飛機到歐洲、日本掃貨。跟香港不少富豪有來往的黎亮，數年前索性入股英皇駿景酒店，開卡拉 OK做老闆，招呼朋友。
于莉
黎亮、林學華
劉嘉玲百億男友
人妻劉嘉玲 10年開始，多次被拍到撇甩老公梁朝偉，跟現年 41歲，有超過 160億身家的強國富豪景百孚來往，繼有男方摸住大髀影親密合照流出，去年 6月，二人又孖住夜遊北京撐枱腳，事隔一年，二人再被拍到在上海機場等上私人飛機， Deon有眼光中咬住唔放，只可惜，對方撻極唔着。
young咗 
強個 look
六月，劉嘉玲跟男友出現上海機場，有工作人員要求景百孚揸機替他們合照。
留言列表
{{ article.title }}
