名人私生活
四太仔猷亨 樂做觀音兵
賭王何鴻燊和四太所生的兒子何猷亨，今個暑假和拍拖有一年 嘅女友 Sabrina，各自在香港和上海做暑期工，分隔兩地。在英國讀書正返 嚟放暑假的猷亨無女友喺身邊，月初孖住公益金名譽副會長林李婉冰的孻女林嘉寶出席公開場合，人人以為他換畫，但原來只是襄王有心，據知猷亨細細個已經鍾意林嘉寶，不過女方以學業為重婉拒好意，猷亨不但無因愛成恨，更對她愛護有加，猷亨仲同心中女神坦言：「日後有咩事，只要妳出句聲，我即刻嚟幫手。」樂做守護神，隨傳隨到。
○四年，分屬好友的四太和林李婉冰（後排中）均有出席 Cova太子爺婚禮，年幼的嘉寶（左）和猷亨（右）分別擔任花仔、花女。
做訪問時，猷亨負責答問題，唔使嘉寶操心。
月初去置地活動時，在林嘉寶旁的猷亨，比除夕拖女友去君悅 ball時（右圖），笑得更甜蜜。
俾女拒愛
在英國讀工商管理的何猷亨，一直有個英國讀書時認識 嘅女友 Sabrina，不過女友暑假飛上海做暑期工，猷亨亦不愁寂寞，本月初他放工後，和心目中女神林嘉寶去置地廣場出席名人活動。問到二人點解同行？何猷亨 hea過說：「我 哋係好友，同嘉寶一齊搞保良局慈善晚宴，廿七號舉行。」實情他與林嘉寶青梅竹馬由小玩到大，比與 Sabrina相識更早，彼此十九歲又在英國讀書，不單在香港見，在英國亦時有會面。
據知猷亨好 冧林嘉寶，奉她為第一位，知情者說：「試過有次猷亨開生日會，叫嘉寶 嚟，但嘉寶好忙，不過猷亨講明唔緊要，會專登等到佢 嚟先切蛋糕，嘉寶見佢咁熱情，就算一日串幾個聚會，佢最後都有到。」林嘉寶家底也不差，其父林普桂在七十年代成立嘉利貿易公司，九一年改名為嘉利美商並在港上市，當時經營家庭用品、餐墊、裝飾鐘錶、 枱布，圍裙等，二人的母親又是好友，可惜最後撻唔着，知情者解釋話：「猷亨家底係好好，人又有風度，不過林嘉寶好乖，想以學業為重，呢個女放暑假返香港就試過在電台工作，又做過廣告配音，不停吸取社會經驗。」
愛護有加
留言列表
{{ article.title }}
