緊張愛女一切的鄭中基，連 Emma開生日 party，都要帶私家膠墊， 衞生防禦做到足。
改頭換面
未雨綢繆 鄭中基煲 B女讀英基
飲醉在機艙打人，爛蒲花弗，「無賴」行為做足的鄭中基，自去年愛女 Emma出世後，修心養性，做廿四孝慈父。上週三（七月十一日）， B女一歲生日，鄭中基開 party為小公主慶生，全程抱女不離手。
唔再「無賴」，鄭中基變做「怪獸家長」， B女未夠一歲，已為她報讀外語班；並準備全盤部署，鋪定兩年後路，讓 Emma入讀名校英基。
昔日他右臂紋上前妻阿 Sa的英文名圖案已改動，變為今日的小丑。
一見閃光燈，鄭中基即把 Emma擁在懷裡保護。
有線同事敍舊
護送愛女上車後，鄭中基折返酒店陪老婆走秘道，有老公拖實的余思敏笑到四萬咁口。
愛女一歲生日，正為電影《四大名捕》做宣傳的鄭中基，暫將工作放埋一邊，在尖東帝苑酒店，為 Emma搞生日派對；爺爺鄭東翰，都有出席。
派對四時開始，鄭中基三時許已同老婆余思敏到場打點，迎接「公主」駕到。場內布滿扭出各樣形狀的氣球及五呎高的人形公仔。現場還有小丑表演及扭波波，花盡心思。
身穿白色公主裙，同老豆一個餅印的 Emma由傭人負責送到現場，雖然是 B女生日會，但小朋友賓客只得兩個，其餘大部分是媽咪余思敏的有線舊同事，似敍舊飯局多過生日會。
鋪路入英基
派對上，鄭中基不是忙於攞住相機充當 Emma的攝影師，便是抱住她不放，完全被寶貝女征服。
Emma才得一歲，但早在她幾個月大，鄭中基已着手為報讀幼稚園鋪路。
「 Ronald好緊張個女， party嗰日佢都周圍問啲已婚朋友，有關入名校策略，個女未夠一歲就報外語班，總之開口埋口都係個女。 Ronald想個女讀國際學校，唔使咁大壓力，佢仲搵咗人推薦 Emma兩年後入英基讀幼稚園。」知情者說。
嫲嫲同爺爺鄭東翰也有出席乖孫的生日派對。而兩傭人當日所穿的派對「制服」，是鄭中基平日愛著的潮牌 T恤。
場內滿布氣球， Emma（左一）身後兩個禮物盒也是由氣球扭成，好得意！
出席的小朋友得兩個， Emma的生日派對似有線主播飯局多 啲喎！
一歲 Emma是鄭家之寶，除爹 哋送吹氣泳池，收到的生日禮物更放滿整個車尾箱。
入宮收豪宅
鄭中基心儀的英基國際幼稚園，唔係有錢就入得。據知收生對象以外國家庭為首選，本港家庭為次，故不少本地家長為子女爭崩頭。
原定六點完的生日會，因為壽星女眼瞓，緊張鄭中基五時便嗌散 band，並親自抱 Emma上車，由兩傭人照顧送返淺水灣麗景花園寓所。睇實七人車離開後，鄭中基才折返酒店，與攞住氣球及大袋禮物的余思敏一同走。
母憑女貴，余思敏誕下 Emma後，即由安胎時所住的 鰂魚涌五百呎單位，搬入淺水灣豪宅，去年中再獲老爺鄭東翰，贈送四千多萬南灣豪宅，押注嫁「無賴」，回報不俗。
星爸熱
娛樂圈近年一片生仔熱，天王天后齊齊升呢做爹 哋媽咪，就連勤力如牛的「劉鐵華」，都甘心情願為妻女放低工作，下一代的影響力，難以估計。
下廚煮早餐
謝霆鋒正式與張栢芝離婚，但只要前妻離港工作，他都會負起湊仔重責，煮早餐帶返學，做到足。
2億湊女屋
留言列表
{{ article.title }}
