同你吟一吟
曾江焦姣快慢咇
先後離過三次婚嘅曾江， 94年同焦姣喺新加坡結婚至今十八年，係三段婚姻中最持久。家住九龍塘書院道嘅曾生曾太，活動熱點當然係九龍城。上個禮拜，《壹》仔喺九龍城街市附近，見到兩公婆黑超咇出巡，買完生果，再去睇冷氣。
老夫老妻，唔拖手冇攬住，相反，焦姣性急行得快，曾江歎慢板，搞到老婆成日要停低等，好似玩一二三紅綠燈咁。
前兩段婚姻，都係維持十年就散，但話晒當年望六張先娶第三個老婆，仲有唔到兩個月就七十七歲嘅曾江，同已經六十九歲嘅焦姣，有伴開心過日子，無他求，自可偕老。
買完生果，再入咗間專做冷氣機批發嘅鋪頭磨咗陣，但只係格價，無郁手。
全站熱搜
留言列表
{{ article.title }}
