富二代林孝信追模 Vivian，但睇戲食飯拖埋手，全晚溝女節目只係幾嚿水消費。
探熱針
林孝信$600嗒模 Vivian
旺角拍拖
老豆林建名溝女梗係要縮骨！（設計對白）
林孝信（ Howard）食女往績多，絕不亞於父親林建岳之下，近年林公子專攻模，繼溝掂大胸超蓮 Iris及 Jeannie後，今年參戰寫真，十八歲啱啱熟的模 Vivian（羅彩玲），也成為他的目標。
住屋 邨的 Vivian俾富二代睇中，即飛無米 MK男友，投靠林孝信；點知林公子秉承食魚柳包當午餐的爺爺林百欣節儉作風，溝女慳住荷包。
上週三（七月四日），本刊記者在旺角朗豪坊發現林孝信拖住模 Vivian睇戲，唔去富二代 ifc、金鐘消費主場，落區去旺角，消費平之餘，亦照顧到 Vivian愛蒲 MK喜好。
縱然林孝信拍拖睇戲連買爆谷小食錢都慳得就慳，但 Vivian冧招供應齊全，繑手、摸面珠連串親暱舉動，冧爆林公子。 
繑手
睇完戲， Vivian沿途繑住林孝信，令男方好 氹。
幫仔痕
不過就算得 Vivian幫佢埋痕，但孤寒的林孝信都只係請女友食平民《板前》，隔籬高檔一點，埋單過千的日本菜《雪村》不肯幫襯。
行去開餐
睇完戲，二人去停車場攞車，當日只出動日本掃把佬接載 Vivian，完全統一是日活動風格。搭期間，林孝信狂氹 Vivian返家宿一宵。「一陣食完飯，一齊返九龍塘，好冇？」豈料 Vivian拒絕：「唔得呀，今晚約咗人打牌！」食檸檬的林孝信即黑面無癮。但他仍出茅招，醫肚前硬要返回九龍塘寓所一轉，逗留半小時後再外出附近的又一城醫肚。轉個彎就到的路程，林公子選擇與 Vivian搭小巴。
又一城食肆，由「 Cova」到經濟抵食的 food court俱備，林孝信並未至於踎「老麥」，而是食平民日菜「板前」，二人坐迴轉 bar枱， Vivian當眾將壽司餵到男友口，照顧周到。
年僅十八，被指是翻版朱茵的 Vivian，早前為寫真戰宣傳，大晒誘惑身材。
Vivian唔肯跟他過夜，林孝信女都唔送，就自己返屋企搭小巴。
留班公子
抹汗餵食甚至連痕都幫男友動手的 Vivian，做足廿四孝女友本分；但林孝信飯後竟然連送女友返荃灣屋企都慳番，各有各走。無女友陪住行，林公子搭綠色小巴返歸。
九月要返英國開學，趁暑假速食嫩口 Vivian的林孝信溝女比讀書強得多，之前在 LA讀大學時因為掛住煲劇頻走堂，差點被學校 KO，即使近年轉往英國修讀 Fine Art，仍一如以往，無心向學讀到廿三歲都未讀完，被富二代圈中封為留班公子。
林孝信與何超盈諗熟，二人經常結伴夜蒲。
有富二代追， Vivian即飛拍拖年多的 MK男友。
經常留班，故在英求學的林孝信，至今仍未畢業。
富二代壞孩子
林建名細仔林孝信 Howard，出名蒲精，微博晒溝女照，爆粗鬧警察，言行大膽，富家子陋習，有齊！
晒「隊草」片
08年 5月， Howard上載兩段自拍短片到 Facebook，片中 Howard扯煙爆粗，與女友人玩問答遊戲，還被友人爆「隊草」，連女友人醉酒後在廁所外狂嘔的情況亦照出，十分狂野。
爆粗轟警
喜愛做鐵騎士的 Howard，經常出動他的 Honda戰車去夜蒲，更自稱「新一代華 Dee」，年前被警察抄牌；他竟然嬲爆在微博爆粗：「 F--king the policeman。」
辣 㷫鬼佬
留言列表
{{ article.title }}
