以千萬身價簽約， Niki除了主力進攻內地市場，東亞亦會再幫 Niki出碟，延續她的歌星夢。
探熱針
大迷信 黃曉明嚇走周麗淇
約滿羅傑承後，以部頭約形式跟 TVB合作的周麗淇，最終落實簽約林建岳與任賢齊合作的公司旗下；但在此前， Niki原有意加盟黃曉明與林建岳合作的公司，協商的過程亦十分順利，直至臨門一腳，黃曉明安排 Niki見命理大師睇面相，還要在她家中擺放風水陣，要求騎呢，周麗淇三十六着，走為上着。
周麗淇加盟小齊旗下，公司即揼本為她舉行記者會，岳少亦俾面到場。 Niki更在祝酒時拖實大老闆。
神奇液體
近年事業風生水起的黃曉明，原來十分迷信，在家中更擺有風水陣。
年前周麗淇獲 BMA老闆羅傑承放生，提早解約後 Niki以自由身幫 TVB拍劇，先後拍了《我的如意狼君》及《女警愛作戰》。
「 TVB可以孭收視嘅人唔多，之前《我的如意狼君》最高收視有四十點， TVB其實好想 Niki簽長約做親生女，但佢想拍電影，又打緊大陸市場，所以唔想俾人綁住！」 Niki身邊人說。
有 TVB吼住之外，內地的華誼兄弟亦有向 Niki招手，但她最終決定泊林建岳碼頭，簽約林建岳有份的小齊公司旗下。
「岳少好欣賞 Niki，但原本係想佢簽俾黃曉明間公司，大家都傾咗一段時間，都傾得好順利，條件都擬好晒。」
不過，原來黃曉明是個大迷信，凡事向風水師算過度過，又在家中布陣，簽約旗下的藝人，同樣走唔甩。
「臨簽約前，曉明同佢經理人黃斌帶咗 Niki去見個師傅，話要同 Niki測面相八字，又話要去埋屋企擺風水陣，仲即場俾咗樽液體 Niki，要佢經常袋喺身。 Niki根本唔信，所以冇再傾落去！」知情者說。
參考蘇康
同黃曉明傾唔埋， Niki最終與林建岳旗下的任賢齊一拍即合。
「小齊之前簽咗蘇永康做得好好，尤其喺內地，蘇康每星期都要返大陸唱，豬籠入水； Niki之前套《書劍》喺國內反應幾好，佢更加想趁勢打開大陸個市場，所以傾咗幾次就成事。」
Niki雖然泊咗碼頭，卻無損她與 TVB的關係。
「 TVB個個月都有劇本俾 Niki睇，依家佢都揀緊，《女警》亦安排咗八月上， TVB好睇重呢套劇！」知情者說。
當年羅傑承力捧 Niki做公司一姐，解約後與 Niki關係依然友好。
離開 BMA後， Niki搵嚟梅艷芳昔日經理人 Marianne（左一）幫手接 job，近日再泊林建岳大碼頭，全力為事業搏殺。
簽約小齊後，蘇永康工作量排山倒海，與許志安經常孖住唱騷賺錢。
周麗淇以六萬元一集拍攝內地劇《書劍》，價錢比在 TVB拍劇高出六倍。
信者得救
娛樂圈屬偏門，唔少老闆都取信風水，甚至有自己的御用風水師，定時定候擺陣催運，幾乎連衣食住行，無一不從。
楊受成
黃栢高
掌舵金牌期間， Paco有搵御用風水師在公司寫字樓擺放風水陣，簽藝人前亦要先夾時辰八字，方力申由游泳選手轉入娛樂圈，有指他與 Paco八字好夾，故多年來一直被力捧。
留言列表
{{ article.title }}
