薛凱琪否認露底「我唔賣內衣」暗寸 G.E.M. 少說話多做事－娛樂八掛大放送★

薛凱琪否認露底
「我唔賣內衣」 14,416

■薛凱琪日前在叱咤穿透視裙露出阿婆打底褲，宅男群起表示失望。資料圖片

薛凱琪早前穿透視裝疑內配阿婆內褲，宅男網民大呼失望，昨日她在銅鑼灣出席活動，澄清是泳衣不是底褲，更呼籲網民不要對她有內衣幻想。同場連詩雅卻表示如森美真愛戀足影腳，不介意被影。

薛凱琪、連詩雅、有翻版徐子淇之稱的鍾浠文和陳逸璇等，昨日在銅鑼灣出席護膚品活動。薛凱琪昨日透視裙下再配一條花裙，她之前在叱咤頒獎禮，穿透視裝以阿婆底褲打底，令不少網民宅男失望，她說：「唔係阿婆底褲，係一條度身做嘅肉色泳衣，我去到阿婆年紀都唔會着阿婆底，一個女仔內衣唔應該畀全世界睇到。」

勸G.E.M.少講嘢

宅男在網上群起表示失去幻想，薛凱琪說：「唔好畀咁多幻想啦，我唔係賣呢啲，希望佢哋鍾意我啲歌，唔係鍾意我內衣。」對於G.E.M.炮轟叱咤機制，她表示沒有留意，也不會批評：「我入行八、九年，試過好多年冇獎攞，又試過一晚攞好多獎，人同公司都會有起同跌，我選擇跌低嘅時候少講嘢多做嘢。」啞忍？「唔係，係盡情享受，唔會埋怨，咁先享受生命。」

■薛凱琪一身斯文透視裙，她呼籲宅男網民們不要對她的內衣存有幻想。

■（左起）鍾浠文、董敏莉和連詩雅齊齊以短裙示人。鍾浠文享受咀

連詩雅和鍾浠文都先後與周柏豪傳緋聞，鍾浠文早前在周柏豪演唱會上跟對方激吻，她昨日謂不是第一次咀：「其實之前拍MV都咀過，今次好緊張，第一、二場好出力，用晒力咁錫，第三場先識放鬆，兩分鐘過程中，都有一分鐘享受。」她強調兩人不是濕吻，下次希望可以咀王力宏。
連詩雅昨日一身白色短裙出席，提到森美疑有戀足癖，她謂不介意被影：「靚就得囉，又唔係影裙底嗰啲咁過份，可以呀！」
採訪：梁錦雯
攝影：黃文偉

薛凱琪疑暗寸G.E.M.少說話多做事

薛凱琪（Fiona）昨日穿上短裙出席活動晒美腿，提到鄧紫棋（G.E.M.）拍片暗寸叱咤，Fiona說：「確實唔知，我試過幾年冇獎，亦試過一年拎好多獎，人同公司都有起跌時，我揀跌時少講嘢，多做嘢，人哋嘅睇法我唔會批評。」她揚言有獎時會盡情享受，冇獎亦不會埋怨。提到在叱咤頒獎禮上疑露「阿婆底」，她澄清：「嗰件係肉色泳衣！我到阿婆時都唔會着阿婆底，但女仔嘅內衣唔應該畀全世界知，講太多唔好，我希望大家鍾意我嘅歌，唔係內衣！」即將推出新碟的她，被問到屆時可會隨碟附送阿婆底，她笑言稍後再透露。