甄妮寸 G.E.M. 唔打招呼目中無人草蜢撐 G.E.M. 插叱咤－娛樂八掛大放送★

甄妮寸G.E.M.唔打招呼目中無人 31,992

■G.E.M.最近辣着不少火頭，連樂壇前輩甄妮都開腔寸她。資料圖片

小巨肺G.E.M.（鄧紫棋）近日是非不絕，繼罷玩商台叱咤頒獎禮，再將暗寸商台的自拍片放上YouTube，原來連巨肺甄妮也不滿G.E.M.，日前她接受訪問時狠批G.E.M.不懂尊重前輩，大鼻得目中無人，基本家教也欠奉，唱歌如何了得也於事無補。

有巨肺之稱的甄妮（Jenny）將於下月18至20日在紅館舉行演唱會，其女兒Melody兼任導演、監製和服裝設計。提到演唱會有甚麼嘉賓？Jenny日前接受訪問時說：「真係好難，要諗囉，一定要唱得，又可以同我對唱，仲要係《射鵰》嘅歌，有幾多個得。」她透露以前也邀請過時下歌手做嘉賓，但有人不敢唱，更有人怕得連電話都不接。

「基本家教要有」

不過，說沒心水是假的，Jenny坦言最想同吹神陳奕迅過招。提到G.E.M.也堪稱小巨肺，問「堅巨肺」有否考慮來個肺鬥肺？Jenny一聽到G.E.M是小巨肺，即反問：「佢係巨肺？冇聽過佢嘅歌，頭髮剃咗一邊嗰個？但知道佢個名。」她續說：「就算唱歌幾好，幾有本事，但最基本嘅條件家教同禮貌應該要有，識唔識唱歌已經唔重要，其他嘢唔該好好學吓。」

【今日我至嬲】巨肺甄妮寸小巨肺G.E.M.冇禮貌，佢教訓後輩唱功雖然重要，但待人接物嘅態度都不容忽視。

■甄妮指G.E.M.見面時不打招呼，非常大鼻。
資料圖片

原來Jenny早前在一個大球場活動上碰見過G.E.M.，她稱G.E.M.在自己身旁連一個招呼也不打，Jenny暗寸說：「佢睇我唔到，我唔夠大隻咩？我咁大隻佢都睇我唔到，你話我會唔會用佢。」

■甄妮下月在紅館開騷，坦言很難邀請唱得之人做嘉賓。資料圖片

Jenny反而大讚鍾舒漫說：「佢主動同我打招呼仲自我介紹，因為我唔識佢，佢好有禮貌，我哋仲有合照。」Jenny表示伸手不打笑面人，但如果如此大鼻，就真的要慢慢長大，如此目中無人，就算唱功再好有甚麼肺也於事無補。
採訪：胡比
攝影：陳志嵐
場地：海逸皇宮大酒樓

草蜢撐G.E.M.插叱咤

組合草蜢力撐鄧紫棋（G.E.M.）有言論自由，同時表示不抗拒出席頒獎禮，最緊要有獎！同場的大細孖周志文、周志康對一眾巨聲幫戰友能現身各大頒獎禮亦大呼羨慕！

組合草蜢、周志文和周志康日前一同出席商場活動，Fans逼爆整個商場，草蜢成員蔡一智和蘇志威玩遊戲時，從後擁抱兩名女粉絲，恨死台下觀眾！最近鄧紫棋（G.E.M.）連環暗寸叱咤頒獎禮欠公正，身為前輩的蔡一智發聲支持：「香港有言論自由，任何人都可以喺呢個平台發聲，講自己鍾意嘅嘢！（點睇依家嘅頒獎禮？）最緊要頒獎畀草蜢！」蔡一傑插嘴：「要認真頒認真做，你請我哋就會去！」

他們透露快將推出與軟硬合演的紅館騷DVD，蔡一智笑說：「諗住拎去參加康城電影節，我係第一男主角，女主角係葛民輝！」蔡一傑又展示「朱古力腹肌」：「我一直Keep住佢，希望開間朱古力店！」

周志文「留戀」馬賽

「巨聲幫」大孖周志文表示因劇集《名媛望族》吸納了新Fans：「要多謝馬賽同我飾演情侶，係好開心嘅一對！（同呢個緋聞女友熟咗好多？）成個劇組關係都好好，之前楊怡同馬國明攞獎都有請我哋食飯！」在旁的細孖周志康大呼羨慕，問到可想參與樂壇頒獎禮？他們說：「見到好多巨聲幫嘅朋友發光發熱，都戥佢哋開心，我哋都想喺同一個平台出現，不過機會未到！」

音樂組