狂放蚊
只 瞓了兩粒鐘的達哥睡眼惺忪，佢解釋話：「噚晚開 party，搞到兩、三點先 瞓。呢排冇拍戲唔慣咁早起身，我平時 瞓到中午 㗎。」
娛聞樂
影婚照 頻放蚊 劉以達做踩屎新郎
劉以達同老婆冼美珍結婚 15周年，加上 2月 27日係達哥五十大壽，雙喜臨門，兩公婆實行搞大佢，將在中環藝穗會開 P慶祝，更廣邀黃耀明、黃秋生等圈中好友出席。
為慶祝「水晶婚」，兩公婆更決定重披婚紗、禮服再影一輯婚照。一向騎呢搞笑的達哥，上周三（ 26日）晨咁早，天未光 5點幾已化妝 set頭，加上一日內換足十套靚衫兼去勻港、九、新界，難怪中午去到西貢蛇頭村影相時，達哥已被睡魔急 call，一邊影相一邊放蚊。而半夢半醒的達哥不忘搞笑本色，即席表現一幕驅牛記，可惜誤踩牛屎，認真失威！
達哥達嫂於上周三 boxing day再影婚照，當日亦是兩人求婚紀念日。達嫂為影婚照，早在 9個月前開始減肥。「卒之減 咗 50磅，由 155磅減到 105磅，餐餐少鹽、少糖、少油。食完飯要企 1個鐘，餐後 1杯熱咖啡，凍飲謝絕，最好空肚食個火龍果，有助排宿便。」達嫂說。
14年前
達哥婚後一年至影結婚相，輯相仲係達哥上遊戲節目贏番嚟嘅攝影套餐。達哥話：「我冇呃老婆，係我哋一廂情願啫！呀，唔係，係兩情相悅至啱！」
達嫂體重高峰期有 155磅重，雙下巴兼凸肚，勁圓潤。
狂隊可樂提神
達嫂滔滔不絕講減肥經，相反達哥卻飲健怡可樂一罐接一罐，話可以提神喎！記者提醒佢飲可樂會大肚腩，他笑笑口話：「飲紅色可樂會肥死，醫生話一罐等於食三碗飯，飲呢隻（健怡可樂）唔怕 嘅。」
下午兩點，攝製隊轉到大草地拍照，達哥一雙眼皮耷晒落 嚟，行每步路都搖搖晃晃，搞到他誤中地雷，一腳踩正大堆牛屎。記者笑他踩屎，他滿不在乎地說：「有咩？冇！（仲話冇！）曬乾 咗 嘅牛屎踩到唔怕 嘅，唔會黐住，拍兩拍就甩。」
在草地上 嘅達嫂，背脊有廿多粒蚊赧，達哥看見老婆的玉背花晒，幫佢拍背止痕。達嫂見老公咁緊張，搞笑話：「都米已成炊啦！」
中地雷
轉景時，釣緊魚嘅達哥，行步路都搖搖晃晃，結果踩到一腳牛屎。
牛都驚
達哥本想同呢堆牛牛影相，點知佢嘅熱情嚇到班牛牛都要四散。
Show巨腩
由於型仔衣着實在太貼身，達哥唔使埋位時，都會鬆開件衫，俾佢個 37吋巨腩出 嚟 唞 唞氣。
猛扯煙
唔夠瞓嘅達哥不停釣魚兼放蚊，埋位時就要靠扯煙同飲可樂提神啦，達哥：「我今日破戒飲咗一罐紅色可樂。」
玩結婚變 嚟真
兩人將在 2月 27日開 P慶祝，印定請帖邀請黃耀明、許志安、梁漢文、 Twins等好友出席。另有 200張門券公開發售，每張 230元。
兩人結婚快將 15年，達嫂話：「其實阿達係 97年 12月 26日向我求婚，記得 嗰日我 哋去大澳同銀礦灣玩，我開玩笑話：『不如我 哋玩結婚啦。』點知佢好認真答：『唔好玩喇，真係結婚啦！』佢咁認真我先識驚。跟住佢第一次見我媽咪，就話要同我結婚，我媽咪都 O晒嘴。」
雖然結婚以來，兩人一直冇擺酒，連蜜月都冇去過。不過達嫂唔介意：「我當年陪佢出埠工作，就當 honey moon㗎 嘞！」達哥接住話：「爆樣 嘢你聽，每次出糧我都俾晒佢，我有幾多銀紙我自己都唔知！」達嫂亦插嘴：「我負責會計，佢唔會去排隊交租、交雜費，報稅都係我幫佢搞……」
呢 pair老夫老妻不時鬥嘴，但又會甜蜜拖手仔，達哥更肉麻大嗌達嫂做「老婆仔」， 15年如一日，寃氣到暈！
冷面笑匠
劉以達除了是音樂達人，更加是影壇的冷面笑匠，尤其擅長飾演騎呢角色，早年更是周星馳電影的常客。例如他在《大內密探零零發》飾演的密探，扮女人睇醫生猛叫：「大夫，我係咪有咗啫！」；另外他在《食神》更飾演小器少林主持夢遺大師，令人笑破肚皮。
《大內密探零零發》
《食神》
留言列表
{{ article.title }}
