插圖: Wendy
揞名爆
「醜醜」死𦧲攞新機
2013年01月04日 ~~ 第910期 忽然1周
唉,每到大時大節,都係破財嘅日子!媽咪姐啱啱先買咗部新手機送俾 honey,你知啦,男人無乜啱使,都係送呢啲科技嘢最實際。不過呢,女星「醜醜」就無呢個煩惱囉。
有二五 PR同媽咪姐呻,話每逢有新手機搞宣傳活動,例牌都會送啲新機俾明星嘅。之不過,選美出身、有一定江湖地位嘅「醜醜」,一知道邊個牌子出機,就會主動打去𢱑機,仲一𢱑幾部,一日打成十幾次俾相關 PR,煩到人哋死死吓!
講真句,「醜醜」同佢個靚仔老公嘅知名度都唔弱,但人哋送機都有 quota㗎。你咁樣𢱑法,咪即係為難 PR,又肉酸自己!