句句金
句句金
有指 G.E.M.(鄧紫棋)因不滿商台叱咤頒獎禮,決定缺席杯葛,其言論更引起一班 DJ、歌手激烈回應。
G.E.M.除抨擊商台,早前更自拍短片暗寸商台言行不一,
如果你表達嘅嘢同你做緊嘅嘢係唔一致,咁就唔公平,更誤導咗人。
頒獎禮從來都係各有偏好,邊有絕對公平!一切都係遊戲啫,學高登仔話齋:一認真便輸鳥。睇開啲啦阿女。
激烈派
向來言行激烈嘅黃貫中睇完 G.E.M.條片後,即幫忙轉載,並留言支持:
假公平不如真霸道。
言和派
曾炮轟商台改制,搞到歌曲 20大不入嘅何韻詩,以過來人身份勸阿 G.E.M.:
這只是一個商業遊戲而已,「贏」的不用太得意,「輸」的也別太介懷。
藍奕邦亦苦口婆心開導對方:
若你的音樂真夠 good quality,自然會超越制度,用花來拍片的時間寫多一首歌吧!還有,切記兩字:謙虛。
反對黨
身為商台 DJ嘅艾粒,當然捍衞公司,出言反擊:
如果商台唔支持 G.E.M.,佢點會有冠軍歌呀?
每個頒獎禮都係遊樂場遊戲,如果唔啱就唔好去嗰個遊樂場囉。