娛樂八掛大放送★

陳煒做奸角做出癮 老公陪過年粉碎婚變傳聞

昔日亞視一姐陳煒（煒哥）倒戈無綫後，在新劇《法網狙擊》中奸得出位，不過，最近突然愛上工作的煒哥被傳與老公顏志行婚變，因為煒哥的生日及兩人的結婚紀念日亦無一齊慶祝，煒哥氣定神閒否認：「我係忙，但老公無詐型，因為佢飛得好密。」她更自爆農曆新年老公應該會來港陪她過年。至於家庭計劃，兩公婆採取順其自然態度。咁難得農曆新年聚頭，到時可乘機努力「造人」！採訪：方騫平

陳煒首次做奸角，有板有眼，接下來跟謝天華、張兆輝、周海媚合作的新劇《神槍狙擊2013》更由頭帶到落尾，她笑說：「我都唔知會唔會被定型，只可以講，每個演繹方式都唔同，會盡量發揮小宇宙。」該劇3月才拍完，新曆及農曆新年陳煒都要在工作中度過，好彩老公無投訴，她自爆：「老公完成南非工作旅程後應該會來港同我一齊過農曆年，我都係得幾日假，到時會陪屋企人食吓團年飯。」

亞視算把啦

對於近期亞視的「騎呢」動態，出身該台的煒哥已漠不關心，她淡然說：「亞視執唔執都算把啦，我只係唔明白，作為一間香港電視台，點解着眼點唔係放喺本地觀眾？以前林伯（林百欣）都唔會咁，就算橫跨到封小平年代，好似《百萬富翁》咁，部份節目都有迴響，家陣我完全無興趣睇ATV，簡直無轉台意欲，睇TVB反而連汁都撈埋，認吓藝人之餘，仲會留意劇集完結後打出嚟嘅字幕，我會睇埋幕後人員名字，做定功課第日撞口撞面都識得叫人。」煒哥咁識做人，難怪一入TVB便備受重用。

煒哥有樣又有身材，最重要為人夠大方，Show胸晒腳完全無問題。

陳煒做奸人過癮

個性溫馴的陳煒，過檔無綫後有機會演「奸到出汁」的角色而過足戲癮，她表示多得《法網狙擊》的監製「另眼相看」。而劇中煒哥還有連場性感兼與郭政鴻埋身肉搏的鏡頭，她坦言首次作如此大膽的演出，連老公都沒有機會看。

由亞視「一姐」過檔無綫拍劇的陳煒，演出機會不少，更有機會演奸角而過足戲癮。不過，已為人妻的她，在《法網狙擊》中與郭政鴻有埋身肉搏的場面，煒哥笑言首次大膽演出，連老公都沒有機會看。

挑戰電視尺度

劇中煒哥除穿三點式於遊艇上與郭政鴻親熱外，還自爆有場浴室親熱的戲，惟未知能否通過電視尺度播出，她說：「其實我向來都唔覺得自己有性感嘅感覺喺身上，但為咗工作我絕對配合。（要問老公？）佢好尊重我嘅工作，而且佢好了解我係一個有分寸嘅人，所以完全唔會擔心我，有次我同老公食飯仲撞到戲中同我有親熱戲嘅郭政鴻，我仲同我老公講佢係我男朋友！」

對於大膽的演出，煒哥還可駕馭，但這次要她演反派實在是一件難事，她說：「衰人兩個字對我嚟講好極端，所以事前都做咗好多工夫，而且行出嚟畀人感覺又唔可以太奸，但原來係奸到出汁，我都唔知自己演成點，都係等觀眾去評價，好同壞我都接受！」

影視組

陳煒笑言有機會演反派令她過足戲癮。

陳煒挑戰大膽親熱戲，笑言老公都沒有機會看。

陳煒和郭政鴻在《法網狙擊》內有多場對手戲。