家庭會議
老婆 Julia邊食邊同祥哥傾公事，視帝背後嘅女人都唔易做！
媽咪姐
黎耀祥帶仔返工
2013年01月04日 ~~ 第910期 忽然１周
黎耀祥剛剛榮升三屆視帝，工作忙就梗，但家庭呢，佢都唔會忽視！平安夜（ 24號）下午，祥哥仔知道自己要趕拍新劇《傳愛事務所》，冇時間陪老婆同阿仔正橋，想共聚天倫？惟有帶埋屋企兩位「老闆」返公司探班。佢哋先去電視城西餐廳 high個 tea，媽咪姐見祥哥好照顧屋企人，一搵到位，櫈都未坐暖，就帶個仔去揀嘢食。埋咗位，凍檸茶都未到，就同老婆兼經理人講檔期表，轉頭正橋一嗌，又要分身應酬阿仔，講吓電話經。
蛋糕嚟嘞，先可以安安樂樂擘大口狂𡁻落去，最後埋單，就更加唔少得視帝！據知，平時喺屋企都係祥哥煮飯多。喺三屆視帝呢個身份背後，祥哥仔都係一個住家好男人！
等食期間，佢哋齊齊玩電話又傾吓偈，有晒交流，好鬼 friend！
蛋糕一到，兩父子齊齊大啖食，口味好一致喎。
祥哥個仔正橋讀緊中三，已經生得高過老竇。兩父子嗌嘢食，有商有量。
全站熱搜
留言列表
{{ article.title }}
