媽咪姐

劉心悠女神唔易做

2013年01月04日 ~~ 第910期 忽然１周

唔知從幾時開始，香港嘅女神開始氾濫！數數手指，圈中至少有成二、三十個被封或自封嘅「××女神」，好熱鬧囉。之不過，真正嘅女神，其實邊有咁易做吖！睇吓劉心悠，佢上星期出席一個公開活動，除咗喺造型上表現出一貫優雅氣質外，仲親身示範埋女神要有鐵打嘅身體、臨危不亂嘅從容。難怪佢話今年都會繼續跑馬拉松，運動重要過拍拖啦！

抵得冷


嗰日得嗰十零度，工作人員着晒皮褸，趁空檔諗住幫心悠加番條披肩。點知記者又嗌影相，即除！

眼明手快




做儀式時，啲金紙攝晒入去胸口，點算呢？




女神即係女神，先不動聲色扮無事。然後見旁邊嘅陳豪目不斜視，即刻快手攞走啲蠱惑的金片，叻喎！

謙謙圓了


同場仲有「大隻謙」羅仲謙執到正到場！但望真啲，謙謙塊面圓晒嘅？睇嚟佢同視后楊怡真係好鬼「幸福」，好快拉埋天窗呀！





呢位新娘同李克勤合唱過邊首大熱金曲呢？




先提提你，呢位新娘叫陳逸旅，前藝名叫陳苑淇。有番少少印象？無錯，佢之前係環球歌手，同李克勤合唱過〈合久必分〉一曲，嗰時好紅㗎！之後佢無做歌手走咗去做 model同保險。周日（ 30日）同墨西哥籍男友補擺喜酒，搵埋大學同學袁彌明做司儀，仲話會再出 Jazz大碟㖭！ 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄