我鍾意大嘅，因為手指長，戴一隻大大隻已經足夠，好似我喺網上見到呢隻黑曜石戒指幾靚，咪喺英國訂返嚟，都只係幾百蚊港幣，抵呀！
小特搜
戒指黨
2013年01月04日 ~~ 第910期 忽然１周
鑽戒，每個女生都想要，但太張揚容易好似卿卿咁俾人打劫。唔少女藝人就鍾意戴啲唔太貴又搶眼嘅浮誇型戒指。
咁樣整色整水？當然係想提高收視率啦。
陳敏之夠圓
高妹陳敏之平時好識打扮，戒指耳環唔少得，原來佢家中嘅戒指款式多達千隻，最貴嘅鑽戒價值十幾萬，絕對稱得上娛圈戒指王。
黃智雯夠突
新鮮出爐「女飛躍」黃智雯，今年表現突出，原來佢揀戒指亦都要揀款夠突出夠誇張嘅嚟搶鏡。
我唔係戒指王，屋企都係得 10幾隻戒指，不過剪短頭髮後，都想戴多啲首飾襯下冇咁寡！好似呢隻純銀戒指，我喺英國買嘅，獨一無二，只係幾百蚊，最緊要唔撞款。
鄭欣宜夠橫
欣宜每次出席活動，總愛戴上多款首飾配襯，款款都標奇立異，吸引人注目。原來佢屋企有 40幾隻戒指，多到要分 3個儲物櫃裝住。
我最鍾意金色、黑、白色同銀色嘅戒指。右手呢隻方形戒指喺香港買，幾百蚊貨仔，雖然有人話戴大戒指啲手指會顯得好粗好短，不過我唔介意，夠誇就得啦！
朱慧敏夠長
朱慧敏身材高䠷，揀戒指亦要物似主人形。佢右手戴嗰隻戒指，幾乎長過食指咁滯，佢要專登戴低啲，先唔影響日常生活。
我屋企有 10幾隻戒指，全部都係浮誇或者長形嘅。好似呢隻手指咁長嘅戒指，我喺香港買，都係幾百蚊，戴出嚟又幾型，戴落仲好舒服。左手呢隻彩石戒指，係我選完港姐後，買俾自己嘅小禮物， 2千幾蚊。
全站熱搜
留言列表
{{ article.title }}
