梁政珏峰湧 高海寧谷胸獻sing
三大咪神高海寧（高Ling）、梁政珏及陳靜（DaDa）鬥放導彈迎接2013年！DaDa穿黑色低胸裝落台派爆炸糖，高海寧晒四吋事業線唱歌冧客，但以身穿紅色tube dress的梁政珏俯身露深溝「峰」頭最勁！
不少性感女星趁除夕及元旦日出騷鬥放導彈，當中身材驕人的無綫咪神高Ling、梁政珏及o靚模DaDa大晒本錢，令寒冬變得熱辣辣！
梁政珏昨日出席大埔超級城活動，身穿紅色tube dress的她俯身寫願望，拋出半個胸大晒乳溝，她表示新年所以穿紅色：「有啲凍，黐咗暖包，但最緊要靚！」她透露前一晚在睡夢中過跨年倒數：「同家人食飯後，夜晚十點就瞓。」問到是否沒有男仔約一齊倒數？她扁嘴搖搖頭，並自爆單身。
戚黛黛收番尾糧
同場的「亞視棄將」戚黛黛表示已收到亞視通知可拎回尾糧，問到被炒會否影響經濟狀況？她說：「都有，始終冇咗份幾好嘅底薪，但好在呢兩個月有騷。」
梁政珏最緊要靚，俯身寫願望時露半球。
陳靜希望今年姻緣運更旺。
戚黛黛被炒，經濟狀況亦受影響。
高Ling前晚身穿白色低胸裝到新蒲崗倒數，激露事業線的她唱歌娛賓，未開聲先贏注目禮！日前她出騷唱歌走音，前晚表現略有進步，她說：「其實我手都震晒，又試過登台唔記得歌詞！（進軍樂壇？）唔敢諗，希望拍好啲劇先！（拎飛躍獎？）好呀！想向呢方面邁進。」
另一咪神DaDa前晚到將軍澳倒數，身穿黑色低胸裝的她落台派爆炸糖，拋胸冧觀眾無懼走光，她表示想新一年姻緣運更旺，問到是否有人追？她說：「都有，但對方約會放飛機，我懷恨在心，就算除夕再約我都唔會去！」同場的呂慧儀透露被老爺催生仔，但自己希望先生女。
文：影視組
梁政珏寒「峰」送暖
多名女星「球來球往」迎接2013，無綫咪神高海寧及陳靜（DaDa）前晚「黑白雙煞」鬥晒事業線，但仍比不上於元旦賣大包的梁政珏，令寒冬升溫！
前晚除夕及昨日元旦不乏商場活動，成為女星「搶灘」勝地，無綫女藝員梁政珏昨日搶盡「峰」頭，身穿紅色Tube Dress到大埔出席活動的她胸前激露深坑，她說：「新年所以着紅色，有啲凍，都黐咗暖包。（除夕晚點過？）同屋企人食飯後，十點就瞓咗喇！（冇男仔約？）冇，我依家單身。」同場的「亞視棄將」戚黛黛表示已收到亞視通知可取回尾糧，並指幸而這兩個月仍有騷出「夠餬口」。
「咪神」DaDa前晚到將軍澳倒數，穿黑色低胸裙的她落台派爆炸糖，她大爆曾被追求者放飛機，如今依然懷恨在心！同場的呂慧儀透露被老爺催生仔。而無綫咪神高海寧前晚則到新蒲崗倒數，身穿白色低胸裝大晒四吋事業線，玩遊戲時因害怕台上膠波爆開而嚇至面容扭曲！日前出騷唱歌走音的她前晚略有進步，並透露今年目標是飛躍進步獎。同場的張智霖則大讚陳法拉細心，被吳鎮宇封做契媽。
廖碧兒嘆緣未到
此外，剛從北京返港的廖碧兒亦以性感打扮到鑽石山倒數，自爆患腸胃炎的她希望身體健康，對於舊愛林忠豪表示曾與她談婚論嫁，她說：「之前嘅嘢唔再回應，向前望！都想拍拖，但暫未有緣分。」至於林忠豪前晚獨自到W Hotel，但未見其碩士女友Carol在身邊。
影視組
梁政珏無懼寒冷天氣，以火辣造型登場，撼贏一眾女星！
高海寧以白色吊帶裙性感上陣，希望在2013年率先「搶灘」。
高海寧與胡鴻鈞玩遊戲時驚爆波驚到露出一副驚嚇樣。
DaDa於騷上以歌聲唱好2013年。
廖碧兒希望今年健健康康，更自爆恨拍拖。
馮仁昭四圍超：
梁政珏想試性感角色 13,051 
梁政珏（圖）同戚黛黛噚日喺大埔出席活動，梁政珏話新年要着紅衫至夠好意頭：「噚晚同屋企人食完飯就瞓覺，都冇倒數。」佢話家冇男友，只係想多啲拍劇，性感角色都會考慮。
俾亞視炒魷嘅戚黛黛前日話亞視未出12月份糧，之後即晚有人通知佢已經出糧。亞視有冇要求封口？佢話：「合約話就算完咗約都唔可以講傷害亞視嘅字眼，當然冇呢個心態。」
撰文：馮仁昭
留言列表
{{ article.title }}
