FACEweekly

2013梁漢文會很快樂

2013年01月02日 ~~ 第293期 Face

踏入 2013，推出個人第廿一張唱片《 E.d.M.O.N.D》，雖然 EP只得 6首歌，但恰如其分派台強作〈正氣歌〉一樣，做人最緊要開心，所以梁漢文親自操刀畫《 E.d.M.O.N.D》大題，兼每首歌要過足自己癮先唱，今日有請這位正氣哥出來，講下 2013年快樂之道。

怎樣才算是正氣，哪位最能代替你唱〈正氣歌〉？


〈正氣歌〉與梁祖堯合作拍攝，更選擇在祖堯天台拍種植物，是因梁漢文認為種植有開心正面意思， MV內個個都笑，是想分享快樂。不過梁漢文話自己種乜死乜，所以都冇再種落去。

正氣是樂觀的心，樂觀地幹任何事都會事半功倍，相反悲觀好易吽出病。入行廿年都冇試過唱勵志歌，剛好 Eric Kwok又好喜歡看《巾幗梟雄》，佢就用手機影低戲中鄧萃雯演的四奶奶一角 WhatsApp畀 Wyman，就這樣〈正氣歌〉就出現了，我希望再過二十年，自己正氣常存。我覺得陳百強會有更好演繹，他的聲線確實迷人，而他在生時亦好正氣。 

要過足自己癮先唱， EP怎過癮法？




家吓賣幾多唱片也不會有十幾萬成績，那倒不如滿足自己，做一些過癮的歌，我以自己名字創作 EP，每個英文字代表一首歌，例如 M就代表〈 MMM MMM（十三件唔知好過知）〉，係講歌手上電視台俾人鬧咪嘴，但其實 90年代上台係必須咪嘴唱，因為大家都唔知所以鬧。我就想講 13件唔知好過知的事，例如我屋企有鬼（假㗎，就係唔知好過知一例），又會夾雜泰文、西班牙文，你唔知唱乜，就係好過知囉！ 

'13將與 BIG FOUR再度重聚，會有甚麼大計劃？


我們將今年比喻為 BIG FOUR年，因為新年在紅館會有 6場表演，之後就是不斷走埠， 3月鐵定去倫敦的 O2會場（ Rihanna、 Robbie Williams都在此表演）表演，最期待就是去阿姆斯特丹表演，始終未去過，好期待。今年 BIG FOUR演唱會會繼續無聊啦，哈哈，會有好多互寸環節搞氣氛。不過舞台效果會更強。

今年有機會開個唱的話，最想在哪裏舉行？


好想去細場表演，我覺得可以同觀眾近距離接觸，有更多互動，令信心更強。好想唱更多自己過往 side track如〈一夜之間〉等，記得有年除夕倒數，就在栢麗大道與九龍公園的樓梯表演，當時對住金巴利道幾千人望住，好興奮！ 

撰文：陳家豪
攝影：葉曉明
化妝： Hetty Kwong
髮型： Moe@MM IL COLPO

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄