身高 5呎 7吋， 3圍 31B、 22、 32嘅 Triendl玲奈，雖然身形唔算突出，但勝在個樣鬼鬼哋，五官標致到似公仔，加上皮膚白淨，係咁意露吓白滑背脊已經引死人。
日面
蛇年最強 德×日混血 CM女王
一向標榜以美少女攻陷宅男的日本藝能界，近年被韓妹組合如少女時代、 KARA等騷靚腿步步進迫，好彩日本本土都陸續有新血上市，同韓妹鍊過。
沉寂好幾年，混血女又再度活躍 CM界。新一代 CM女王 Triendl玲奈（ Reina Triendl）， 20歲卜卜脆。雖然身形冇乜睇頭，但屬德日混血兒的她，勝在青春樣甜，難怪上年狂拍 CM，連豐田汽車都搵佢代言，嚟緊 2013年更兩套日劇輪住拍，唔使搵蘇民峰都算到玲奈蛇年行大運啦！
廿歲的玲奈姓 Triendl，爸爸是德國人，媽媽是日本人，於奧地利出世的她，特徵係個樣鬼鬼哋，啱晒㗎仔口味，加上 5呎 7吋身高，身形又夠纖瘦，羨慕死㗎妹， 16歲時回流返日本即被星探發掘，繼而入行。
4年前喺日本紅到爆燈嘅黑船 Leah Dizon，嫁人生女後仲離埋婚，最近於網上宣布將在美國復出，但只得 26歲嘅 Leah，𠵱家又瘦又乾，超憔悴！
新劇拍一姐
拍紅人
2012年， Triendl玲奈已拍咗 9個 CM，其中幫豐田汽車拍嘅廣告，更孖住日劇姐仔吉高由里子（中）同前 AKB一姐前田敦子（右），地位有番咁上下。
出大騷
除幫《 ViVi》等 OL時裝雜誌示範時裝外， Triendl玲奈今年頭更現身於東京舉行的 Girls Award，幫大騷行天驕。
操 4國語言
教德文
爸爸係德國人嘅玲奈，德文同日文一樣咁叻，所以 NHK電視台都搵佢主持《電視德語 Reinas Blick》節目教觀眾學德文，間中仲會阿蘇上身教埋煮餸。
扮空姐
03年 1月， Triendl玲奈（紅圈）將孖住一姐竹內結子（中）及新紮上位模桐谷美玲（右二）演出新劇《 Cheap Flight》扮俏空姐。
搶睇'13新女
川島海荷 的骰 C Cup
除 Triendl玲奈外，今年 18歲的川島海荷亦主攻 CM， 2012年內一口氣拍咗包括《固力菓》等 4個廣告，而且還拍埋電視劇，最近就化身美少女，拍攝東京電視台製作的日劇《好好！殭屍少女》強攻宅男市場。
18歲川島海荷雖然身高只得 5呎，高過糖妹少少，但笑容甜美，加埋 31C上圍夠凸出，甚受宅男歡迎。
剛於上月已播完嘅日劇《好好！殭屍少女》中，海荷擔正，飾演女道士同殭屍鬥法。
而大化妝品牌資生堂推出防曬系列 Sea Breeze，都搵海荷做代言，貪佢夠人氣專攻後生女市場。
能年玲奈 sell演技
今年 19歲的能年玲奈，雖然樣唔夠 kawaii仲有啲男仔頭，但勝在好演技，所以由上年開始主攻拍電影及電視劇， 2013年更會幫日本國營電視台 NHK拍攝長劇《海女》，仲一拍就拍足半年。咁有前途，難怪被日本傳媒選為「 2013最期待新星」。
身高 5呎 3吋半嘅能年玲奈，一直走玉女路線唔多露，騷吓背脊已屬底線，好錫身。
NHK新長劇《海女》，能年玲奈擔正做女主角，劇中拍住小泉今日子（左）等前輩一齊演，係磨練演技嘅好機會。
被睇好為「 2013最期待新星」，能年玲奈最近更登上多本雜誌如《 Playboy Weekly》等做封面，堅紅！
留言列表
{{ article.title }}
