創立 Galaman的 Johnee話雖然暫時知名度唔高，但 Galaman已經算係佢嘅代表作，雖然 Galaman有商品出，但只在動漫展及少量動漫店有售，暫時未搵到錢。
搜尋氣
網劇《太監尬》瘋傳 少少鹹多多趣
創作黑手
有日我睇緊《大太監》，黎耀祥同曹永廉陪鍾景輝去寶貝房，贖番另一個太監 嘅「寶貝」，又話飲咗啲藥水可以「肉莖重生」，覺得整出嚟會幾好笑，所以咪創作咗呢條短片。其實我好少睇電視，我覺得啲內容好重複，所以《大太監》的太監做主角算特別。𠵱家好多網上平台可以畀我哋擺片上去，我冇諗過可以好似司徒夾帶或者 Ming仔咁紅或者搵到錢，我只係想多啲人認識我嘅創作。
《太監尬》係 Johnee重口味創作之一，除咗公仔夠核突，其中的「大肶鳥」更充滿鹹味，放上 YouTube一週已突破 20萬點擊。 Johnee話：「我覺得好開心，完全唔使理人點睇！第二集我仲創作緊。」
Galaman系列有 5集，之後仲吸引到現代教育同佢玩 crossover， Johnee話收咗 5位數字廣告費。
Johnee閒時有喺街擺檔畫插畫， Johnee說：「我任人畀幾多都得，有個小妹妹擺低 5蚊買畫，不過我好感動，因為佢畀咗成副身家我！」
講真政治嘅嘢我好少去理，其實香港有好多嘢我都想講，有次我見有個香港女人去藥房買奶粉，藥房啲人竟然唔賣畀佢，之後個女人搵咗個內地口音嘅女仔幫佢買，竟然又買到喎，不過係買貴咗囉！嚟緊都會放喺新作度。
啲畫重口味但我畫得好開心，完全唔使理人點睇。人哋話啲公仔好醜我唔介意，出到嚟有人笑咪得囉，香港人都要輕鬆吓。有個網民曾經開個新 fb account鬧我啲畫，話我對自己嘅作品好自戀；又話「你覺得可以靠呢樣嘢搵大錢？」嗰時都覺得好委屈，不過搵唔到錢我都會繼續創作。 
全站熱搜
留言列表
{{ article.title }}
