當晚陳豪淨係負責車高 Ling去碼頭後就收得工，之後就急急腳走人，咁又係，天寒地凍，返去陪女友好過啦！
FBI
高 Ling中老通殺
週日（ 30日）凌晨天寒地凍，霎時間由日頭嘅 22度急跌至 15度， FBI行經紅磡碼頭，竟然見到高海寧拖住位伯伯 喺海邊有講有笑，拍拖拍到咁揚？嚇死！原來無 綫新劇《傳愛事務所》拍緊外景。
阿伯殺手
當晚凌晨十二點幾，俾高 Ling狠飛 嘅打工仔陳豪做柴可夫司機， 喺紅磡碼頭放低佢後就揸車走，即係陳豪拍 咗三個 take就可以鬆人返屋企搵陳茵媺取暖，留低紅噹噹 嘅高 Ling好雀躍咁走埋去胡楓身邊，一埋身即刻同飾演有錢佬 嘅胡楓整番靚個 bow呔、攬一下，再錫一啖，然後兩個就拖住 喺海邊漫步。 FBI聽聞，高 Ling因為聽教聽話、演技又有進步，所以喺《傳》劇入面嘅戲分直迫女主角陳法拉。睇佢當日先同陳豪車廂談情，再攬錫胡楓，咁鬼戰鬥格，升呢做女一遲早啦！
高 Ling有樣有身材，當日下午出席完商場活動，緊接凌晨又去拍劇。上緊位，有排忙。
41歲舔舔脷
當晚氣溫突然急降，天氣又乾燥，開機前陳豪亦不斷伸脷舔嘴。唔係對高 Ling舔舔脷，係防爆坼咋！
80歲半夜攬錫
《傳》劇講述高 Ling為咗黐有錢佬胡楓而狠飛陳豪， 26歲高 Ling更大街大巷攬錫 80歲胡楓，你睇修修個樣幾受落！
拖實胡楓
未埋位嘅高 Ling都拖實胡楓，識做得嚟又敬老，抵錫。
全站熱搜
留言列表
{{ article.title }}
