無論是五月初去 Lady GaGa演唱會，或上月到友人婚宴（下圖），林恬兒都只搵女友人陪伴左右。
名人私生活
林恬兒失戀打擊 乖女變蒲精
岳少跟前妻謝玲玲生的廿七歲大女林恬兒（ Emily），早年一直在美國升學，更在名校哥倫比亞大學政治系碩士畢業。返到香港， Emily都鮮有出席社交場合，默默在家族生意麗新集團做過事務副總裁，兩年前她不再靠屋企，加入里昂證券做銷售經理。
皇帝女樣靚背景猛，理應唔憂嫁，偏偏最近她被同在投資銀行打工的男友恨撇後大受打擊，一反常態狂蒲夜場麻醉自己。阿媽謝玲玲見乖女被飛當然心痛，主動硬銷話：「佢依家單身，我個女好叻，唔係花樽。」
林建岳跟前妻謝玲玲關係友好，每年元旦都一起跟五名子女及嫲嫲余寶珠
倒數。
離巢戀愛
上週三晚，謝玲玲親口證實女兒林恬兒分手已有一段時間，「傷心梗有，但依家好好，已經 recover咗。我要講我個女唔係花樽，經常要七點出門返公司開 morning meeting。」
現正在里昂證券做銷售經理的她，之前一直在麗新工作，為了解外面的世界，她與屋企傾掂數，兩年前決定往外闖，雖然現時工作時間和工作量都較以前長和多，但 Emily亦做得開心，據知情者說：「佢以前淨係識埋啲富二代，出嚟做嘢就識多咗其他階層嘅人。」因工作關係，她結識了同在投資銀行工作的行家，二人很快就撻着拍拖，知情者說：「 Emily好鍾意佢，當呢個男人係結婚對象，佢甚至疏遠晒班朋友，唔再去社交活動，淨係黐住男友。」
樣靚身材正兼有家底，林恬兒要找男友應該話咁易。
我個女多人追！（設計對白）
謝玲玲多次力薦其女兒又叻又乖，並非花樽。
分手刺激
可惜男方並不領情，更無打算結婚，所以知道女友有此想法時，今年初便決定斬纜，提出分手，「甩拖後 Emily發咗癲，成日叫朋友陪佢出去蒲，係晚晚嗰隻。」知情人仲爆大小姐心情唔 like就向公司請假，甩拖後便頻頻主動 call人出來陪玩，鐵腳之一是吳建豪的新加坡富二代女友 Arissa。兩週前，她又跟前行會成員葉維義的太太梁美蘭飛到意大利西西里島，看 Dolce& Gabbana Haute Couture花生騷，看來她的情傷仍有待時間去治療。
眾人上機睇騷前合照，一向 chok樣的她（中），鮮有表現佻皮一面。
兩週前她又飛到意大利西西里島看 D＆G高級訂製服時裝騷，同行還有葉梁美蘭（左一）。
三個月前她跟 Arissa到東南亞沙灘大晒三點式。
她跟吳建豪（左一）女友（左二及右下圖右） Arissa老友鬼鬼，甩拖後經常由她陪伴散心夜蒲，成為鐵腳之一。
留言列表
{{ article.title }}
