一直有人話女人波大冇腦。超錯啦！傳奇女子狄娜已經係一個好好嘅反證例子。近年又有另一個娜姐證明咗波大有腦，呢位娜姐——周秀娜，有IQ有EQ，近日舌戰群雄（雌），直情係有Q嘜保證。


周日佢喺尖沙嘴搞簽名會，俾一男子狂鬧：
你阻住我呀，阿姑！

周秀娜：有好多路可以行呀！
咪係，大家都係搵食啫，俾條路行囉！


另一對手傅穎亦質疑娜姐聲稱兩日賣一萬五千本寫真係作大：
一日賣幾千書冇乜可能。

周秀娜：遲啲見我買樓咪知囉！
喺適當嘅時候晒吓命，又唔使潑婦罵街破壞形象，十個叻！


佢嘅寫真集勁敵Angelababy亦藐嘴揶揄：
冇當佢係對手。

周秀娜：各有各支持者，大家好！
邊個小家邊個大方，一聽就知，高招。


金句王黎明又出招，周六（24日）出席書展一座談會時，暗嘲無綫早前套《談情說案》明抄日劇：
抄完又唔認！
佢係批評得啱，但早年佢都試過有歌被指抄襲喎，佢咪一樣冇承認過！


王貽興日前出席書展時暗嘲o靚模，話自己唔會造成混亂：
我又唔係派奶食雪條！
啱嘅，除非派錢啦，唔係以佢嘅號召力，的確好難會引起混亂嘅！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄