二手 Hermes
Jeana早前手戴價值六千的 Hermes手 鈪，是柏文在家姐倉底隨手攞一件送給女友的禮物，做回收筒的 Jeana戴住開工，鬼咁開心。
探熱針
執栢芝二手名牌 張柏文 Cheap招冧 Jeana
同張栢芝細佬張柏文拍拖後，平日寸嘴的 Jeana（何佩瑜）居然變鵪鶉小女人，就連公開戀情，也要獲男友下旨批准。
男友大晒！就算明知柏文攞家姐用過的名牌手袋飾物轉贈做禮， Jeana一樣冧到暈。循環再用變氹女 cheap招，柏文降服 34D Jeana，唔使本！
樂做回收筒
用得唔好嘥！柏文每次送禮 氹 Jeana，均採用環保政策，將家姐張栢芝用完即棄，或放埋一二邊的名牌倉底貨，全數回收，轉送給女友 Jeana，算盡縮數。
難得 Jeana明知執二攤，仍樂做回收筒，無論陳年 Chanel或 Miu Miu，甚至在淫照相片中出現過的卡地亞戒指， Jeana全部當寶，通通掛上身。
「每次 Jeana收到新手袋、新飾物，都會同我 哋講係柏文送，大家都忍唔住笑，件件都係月下貨，攞去賣都唔值錢。 Jeana明知做 咗栢芝回收筒，但只要係柏文送，舊 嘢都當寶。」知情者說。
循環再用唔好咩！（設計對白）
執我二攤！（設計對白）
上幾季 Miu Miu
據知她手拿呢個$14,700嘅紅色 Miu Miu係上幾季，但近日才收到手的 Jeana，挽住出街並即在微博一晒。
07年 Chanel
早前她跟柏文行街， 孭住男友送給她、栢芝用過的 07年 Chanel手袋。
拍戲監場
收二手貨無任歡迎之外， Jeana連工作也任由男友操控。據悉，開酒吧的柏文早前開出「期票」，聲稱將會大展拳腳，效法家姐栢芝開製作公司，力捧女友。信以為真的 Jeana，竟將接 job重任全交男友話事，結果搞到累街坊。
早前 Jeana接拍三級片《一路向西》，其中一場重頭戲要被男主角「揸假波」，因為柏文全程監場，令平日乜都敢死的 Jeana分心，簡單的「動作鏡頭」，要拍足三日，導演才勉強收貨。
「柏文睇到實， Jeana投入唔到，又唔多願俾男主角掂佢個胸，咁點拍呀！之後擇日重拍，以為柏文唔會蒲頭，點知拍拍吓又殺到， Jeana驚到唔敢做。到第三次導演事先警告 Jeana，唔可以再俾男友嚟，先勉強拍完 嗰一幕。最弊係柏文當正自己係 Jeana經理人，連一張劇照都要經佢過目先可以公開，當女友係張栢芝咁做就死梗啦！仲有，書展宣傳又唔俾 Jeana性感，總之乜都管！」一名幕後人員說。
長此下去，兩個字，攬炒！
男友逼封胸
一向行性感，愛晒 34D上圍的 Jeana，早前為聽從男友，封胸現身書展，只得電影《一路向西》另一女主角張暖雅倒奶撐場。
拍《一路向西》與男主角一場「揸假胸」戲，因柏文監場干預，搞到 Jeana拍足三日才完成。據悉導演阿 Mark為此非常不滿。
淫照戒指
Jeana戴住的卡地亞戒指，款式跟當年栢芝作女警打扮的淫照中，所戴的相似。
木馬手錶
黃伊汶代理的法國品牌木馬手錶曾贈送給栢芝，現在經柏文轉手，落在 Jeana手中。
事事遷就男友的 Jeana，早前當街幫柏文捽眼屎都不介意。（《蘋果日報》圖片）
張栢芝常得大品牌贈送手袋，飾物，用都用唔晒！早前她便到台灣出席 Miu Miu活動。（台灣《蘋果日報》圖片）
留言列表
{{ article.title }}
