千嬅只以一身便服同老公慶生，未修身，唯有著鬆身衫，而原先雙手患筋膜炎的她，右手已經康復，左手仍須包紮。
探熱針
未收身 千嬅出關賀老公生日
Torres快滿兩個月大，楊千嬅湊仔，搞到雙手筋膜發炎，加上體虛不宜收身，唯有長期閉關休息調理。本週一（七月三十日），千嬅為賀老公丁子高三十三歲生日破例，丁太預先 call齊好友，一同到香港仔食私房菜，吃埋生日蛋糕，過凌晨十二才離開。一班好友更團團包圍做人牆屏障，讓千嬅則與老公十指緊扣拖實上車。
行去上車期間，千嬅跟老公丁子高一直拖到實。
門一打開，千嬅班好友做成人牆遮擋記者，未有接受訪問便急步上車離開。
班馬賀壽
七月三十一日（星期二），丁子高三十三歲生日，做咗人夫同人父，首次一家三口慶生，老婆楊千嬅決定出關，並約齊為數超過三十人，「班馬」慶祝。
「本來千嬅同老公諗住一家三口過，但千嬅生完 BB之後，好多朋友都未見過佢，於是有人提議唱 K開 party，最後佢哋揀咗食私房菜。」千嬅身邊人說。
週一（三十日）晚上七時多，丁生丁太由司機接載到位於香港仔一棟工業大廈內的私房菜館，由於位處偏僻，私隱度高，圈中人如張學友亦是常客，啱晒仍未可以積極收身、唔願上鏡的
千嬅。
食到十一時過後，壽星丁子高得悉有傳媒在外守候，於是落樓跟記者打招呼，問他千嬅送什麼做生日禮物，丁子高眉飛色舞說：「佢已經送咗個仔俾我啦！」
丁子高媽咪（右），當晚亦有出席生日飯局。
過了難忘的三十三歲生日，丁子高凌晨將相片放上微博，千嬅為老公訂的生日蛋糕，上面有他們一家三口公仔，可見事業心重的千嬅，現在已經家庭行先。
因為要餵人奶，千嬅不能吃藥，只在患處打針消炎。
人牆護駕
個多小時後，丁子高媽咪先由友人陪落樓，接住是丁子高及一眾友人，同一時間，約近十人將千嬅團團圍住，護送她上車。
「佢哋等 Torres瞓咗覺先出門口，雖然有陪月睇實，但千嬅都係心掛掛，所以十二點吹埋蠟燭即走！」
湊仔搞到雙手筋膜發炎，千嬅仍堅持親自照顧 Torres，丁子高亦幫到手，餵奶、掃風、換片全能。
「千嬅佗 B嗰陣雙手已經開始痛，初時以為係荷爾蒙影響，生完 BB之後，痛得仲厲害，佢請醫生上屋企睇過，到 Torres滿月，再睇骨科，知道佢佗 B嗰陣，因為肚太大，成日搵隻手撐住起身，唔覺唔覺，搞到筋膜發炎。千嬅因為餵人奶唔食得藥，所以好得比較慢。」知情者說。
雙手筋膜發炎，加上產後體虛不宜急於做運動，千嬅遲遲未開始收身。
「生完 BB千嬅已經輕咗三十幾磅，但餵人奶媽咪要吸收多啲營養，為咗 Torres健康着想，佢暫時唔諗減肥。」千嬅身邊好友說。
千嬅生 B前兩個月，雙手已開始痛，原來因她經常用手托住巨肚，搞到筋膜發炎。
只要見到寶貝仔，千嬅什麼痛都忘記，每日堅持親自湊 Torres。
千嬅不心急回復往日 fit爆身形。
留言列表
{{ article.title }}
