陳靜寸爆犯規王 Carol：咪抽水

動漫節開鑼，「百果園咪神」陳靜（DaDa）和「浸大E神」楊梓瑤（Carol）隔空互贈興！縱然二女昨日同場而不見，但名正言順入場做騷的DaDa卻對Carol咬住唔放，寸爆死敵潛入會展等同犯規；Carol聞言後不甘受辱，反插DaDa係抽水之王！

DaDa打正旗號入動漫節，一臉得戚。

一連五天的動漫節正式開鑼，周秀娜、Jessica C.、甚至連Carol等也被列為知名人士禁足入內宣傳，反觀Carol死敵DaDa卻可打正旗號入場做騷，大會厚此薄彼，即惹來兩大「胸襟廣闊」的DaDa和Carol再掀罵戰，頓時令動漫節烽煙四起！

早在寫真戰中，DaDa已寸爆Carol寫真意淫，完全照Dup鹹書擺甫士，又自詡其寫真純過蒸餾水，因而引起二人連番罵戰。昨日二人縱使同場現身，可是同人唔同命，DaDa為揶揄死敵混入書展，句句咬住唔放，為早午兩場罵戰埋下伏線。

Carol恐被驅趕，一改性感作風，密密實實入場。

個人遊身份入場

DaDa昨早便以遊戲大使身份入場做騷，夾胸露腰出場的她意氣風發，還大派戴過的簽名手套給fans。她先表示知道很多o靚模被禁足，一直擔心自己會同一命運。對於Carol被禁入場，DaDa即得戚地大拋黎明式金句：「少咗個E神！我都係E神！仲有我喺度！」談到Carol會潛入會展，她即說：「係咩？OK啦！入嚟咪當行吓囉，我以為佢唔到！」問是否覺得Carol犯規時，她說：「佢之前都話入去啦，係咪犯規，我唔知喎！」DaDa強調自己是安守本分的人，所以今次有得入動漫節十分開心。

未幾，Carol與助手以「個人遊」身份潛入會展，大破慳囊以千多元買下李小龍figure。她先強調動漫節適合任何人士參觀，認為這樣入場沒有問題，對於自己曾講過潛入場是犯規言論，卻被DaDa捉正踩場，Carol寸寸貢說：「我冇話過人犯規，我唔想再提呢個人，畀人抽完水，自己就冇得抽水，是但啦！唔想再講！」她坦言曾為此事動怒：「我都冇回應咁多次啦，不如佢做番啲有話題嘅嘢，自己幫自己宣傳，唔好要人幫你宣傳喇！」對於DaDa自誇動漫節還有她這個E神，她說：「如果佢要獨大我唔介意。」

DaDa換過一套低胸裝，讓龍友任影。

Carol以千多元購下李小龍figure。

陳靜的fans舉牌支持偶像。

遭截停怒氣沖沖

上午舌戰完畢，二女下午吃過飯更具中氣，對於Carol反指有人抽水，DaDa碌大雙眼說：「我冇！佢係公眾人物，我唔係刻意提佢，只係佢三番四次提番，我只不過係以事論事，係佢自己話學鹹書擺甫士，又特登畀錢去淫審處審批，係佢逼我抽佢水！真係好唔公平，我唔係咩知名人士，做乜話我抽佢水！」她又寸Carol潛入會展雖令場面更加熱鬧，但等同犯下校規：「佢成日犯規，但佢讀咁多書，我都守規矩過佢，一陣好易畀人踢出校，嘻嘻！」

而下午再買葉問figure的Carol，對自己入場穿得密實有另一番言論：「唉！着得性感就畀人話犯規，唔性感就話冇嘢睇，真係好難做，我都想周圍行吓，但如果太性感唔使十分鐘就畀人趕喇！」但她離開時怒氣沖沖，fans更着她不要動怒，問她為何那麼激氣？Carol說：「我同助手入場時畀大會工作人員截停，問我點解落嚟？真係好唔公平，我話以顧客身份落嚟，佢就冇阻止我！」但她強調不會因此投訴。早前Carol揚言會穿上開窿旗袍進場，為免再生事端，所以只會穿普通衫入場，並強調沒有因為被禁足動漫節而影響收入。

一班性感女郎為動漫節帶來不少艷光。

Carol早前揚言會穿開窿旗袍進場，不過最後打消念頭。

金句互片

兩大「E神」互片好睇過戲，DaDa咄咄逼人，Carol則逐點反擊兼拆彈，邊個話「胸大冇腦」？

陳靜（DaDa）

好勝DaDa：「少咗個E神！我都係E神！仲有我喺度！」

Carol反擊：「如果佢要獨大我唔介意。」

楊梓瑤（Carol）

好勝DaDa：「佢之前都話入去啦，係咪犯規我唔知喎！」

Carol反擊：「我冇話過人犯規，畀人抽完水，自己就冇得抽水！」

好勝DaDa：「入嚟咪當行吓囉，我以為佢唔到！」

Carol反擊：「不如佢做番啲有話題嘅嘢，唔好要人幫你宣傳喇！」

好勝DaDa：「佢成日犯規，但佢讀咁多書，我都守規矩過佢，一陣好易畀人踢出校，嘻嘻！」

Carol反擊：「唉！着得性感就畀人話犯規，唔性感就話冇嘢睇，真係好難做！」

陳靜Gary拍拖離離合合

「百果園咪神」陳靜（DaDa）與男子組合Square成員趙俊承（Gary）被爆曾有一段情，更流出兩人昔日甜蜜照，Gary昨日接受本報獨家訪問，他坦言與DaDa曾兩度拍拖，對於蜜照外洩，Gary慘成嫌疑犯，他說：「真係唔知點解會出現啲相，分手後怕勾番以前嘅回憶，我已經刪除晒啲合照，之間嘅嘢亦收埋晒，將呢段感情封箱。（朋友流出定DaDa？）真係唔知。（會問番DaDa？）分手後我哋都係好朋友，一路有聯絡，之前雜誌嘅人拎啲相嚟問我回應嘅時候已經通過電話，佢話都有人問過佢。」

陳靜與Gary分手亦是朋友。

報道中又指Gary人氣比DaDa弱，乘機借對方宣傳，問到Gary有否不快？他說：「唔介意，自己好滿意依家嘅工作，一路都忙緊電影工作。」

Gary直認同DaDa拍過兩次拖。 （資料圖片）

Carol寸抽水 DaDa轟犯規

「百果園咪神」陳靜（DaDa）及「浸大E神」楊梓瑤（Carol）早前因寫真戰變成死敵，昨日動漫節開幕，同場的兩女互當透明，雖未有爆發「胸」戰，但卻隔空互罵，火藥味超濃！



「佢學鹹書擺甫士」

年度動漫節昨日開鑼，o靚模界有人歡喜有人愁，Carol雖然跟周秀娜及Jessica C.齊齊被列為知名人士禁入攤位宣傳，相反DaDa就獲放生，可以遊戲大使身份入場做騷！眼見死敵「落難」，DaDa零舍風騷，昨晨10時許已在攤位大派簽名手套，更自言擔心被禁現身！提到Carol被禁，她即得戚地說：「少咗個E神！我都係E神！仲有我喺度！（佢會潛入會場？）入嚟咪當行吓囉！我以為佢唔到！（佢犯規？）佢之前都話人啦！係咪犯規我唔知！」她自言安守本分，對於能踩場感到非常高興！

DaDa明踩Carol再三「抽水」，希望大家各自修行。設計對白



「百果園咪神」DaDa換另一個Look出動，粉絲即吶喊助威。



Carol雖然密實出巡，但仍吸引不少粉絲親近拍照。

同場不見，兩女火氣卻延續至下午！DaDa得知被Carol嘲「抽水」後激動地說：「我冇！佢係公眾人物，我唔係刻意提佢，只係以事論事！佢之前話學鹹書擺甫士，又畀錢去淫審處審批，係佢逼我抽水！好唔公平，我唔係知名人士，不過佢拎我嚟講，做乜話我抽佢水！」她更寸對方雖令場面更熱鬧，但跟犯校規冇分別：「佢讀咁多書，不過成日犯規，我都守規矩過佢，一陣好易畀人踢出校！」講完更不禁嘻嘻笑！

Carol恃住有動漫人物傍住，風騷得叉起腰肢。



Carol搭的士出入，看來有點狼狽！

死敵DaDa在攤位玩明寸，Carol與助手以市民身份潛入會展，更花逾千元買李小龍公仔：「動漫節適合任何人參觀，冇問題！（DaDa話你講過偷入場係犯規？）我冇話過人犯規，我唔想再提呢個人，畀人抽完水，自己就冇得抽水！」她自爆曾經好嬲：「我都冇回應咁多次！你仲繼續抽水，真係沒完沒了，不如佢自己幫自己宣傳，唔好要人幫你宣傳啦！」對於DaDa表示動漫節有她這個E神助陣，她則無奈指不介意對方想獨大。

百果園 E神寸浸大咪神犯禁遭踢出校

【 2010動漫電玩節之乳神開戰】浸大咪神楊梓瑤（ Carol）和百果園 E神陳靜昨日在會展的動漫節碰頭，為搶人氣爭地盤，兩女隔空對罵，火藥味甚濃， Carol寸爆陳靜借她抽水宣傳，陳靜則咬住 Carol連番犯禁闖書展和動漫節，揶揄不守規則的人會被踢出校。

其他娛樂名人影片

第十二屆香港動漫電玩節昨日正式揭幕，同是 E Cup乳神浸大咪神楊梓瑤和百果園 E神陳靜分別現身會展會場，陳靜為遊戲商 Gamania任 game girl，谷胸撐場，噴血程度力壓 Carol，不過論受歡迎程度， Carol反而領先，但最具娛樂性莫過於兩女隔空罵戰。

放大圖片

陳靜與男 fans玩遊戲，親手脫掉手套相送。

放大圖片

這名死忠男 fans昨日全程黐實陳靜，昨午又獲心中女神選中替她剪 T恤。

陳靜除手套欺場 放大圖片

近日狀態大勇的 Carol昨日無懼大會封殺，以巿民身份踩場購買 figure公仔。

陳靜昨日以兩個 cosplay造型現身，她曾事先張揚剝下身上衣飾贈 fans，卻只是脫下手套，令人大失所望；其後陳靜表示會為 fans剪裁 T恤，卻原來只輕剪男 fans衣袖。陳靜的兩場活動合共只吸引不到半百 fans圍觀，當中以龍友居多。 Carol昨日兩度踩場，共花千多元買了李小龍和葉問的 figure公仔，滿場飛的她所到之處均被 fans簇擁。陳靜接受訪問時，她聽錯以為 Carol不能入場即自豪地說：「少咗一個 E神，仲有我。」當後來發覺高知名度的 Carol會買票入場，陳靜暗寸 Carol連番犯禁闖書展和動漫節， Carol獲悉反駁陳靜抽水借她作話題：「佢之前抽完我水，唔想再畀人抽我水，我嬲 o架，所以唔想回應。」

搜尋榜 Carol居首

對於陳靜被奉為 E神， Carol說：「我做好自己，如果覺得自己獨霸，我唔介意，讓位畀佢。」可覺陳靜為 fans剪 T恤教壞小朋友， Carol抵死說：「睇吓剪邊個部位，我自己唔清楚，睇完先答。」其後陳靜知被 Carol斥抽水，她自辯：「我又唔係乜嘢知名人士，反而佢抽我水。」陳靜連番把 Carol犯禁踩場牽連到踢出校，她說：「不過咁犯禁，好快畀人踢出校，佢讀咁多書應該知道，一陣畀人踢出校就唔好。」語畢陳靜還要偷笑。人氣網站 Google昨日公佈 2010年上半年 o靚模搜尋排行榜， Carol位列 No.1，力壓排第 2的陳靜，周秀娜是第 5位。採訪：譚倩宜、歐陽慧恩攝影：陳慧安


陳靜昨日在動漫節谷胸 cosplay撐場， 34E巨咪搶盡鏡頭。