Sunday Trip　細細粒 Ractis　巨躉任塞 @ 娛樂八掛大放送★

望落架車仔細細的豐田 Ractis，原來是巨躉，接近一千公升的大尾廂於夏天更大派用場，約朋友去沙灘玩，塞滿兩個大水泡一個沙灘波，都仲剩大把位。在擁有 Ractis的五天中，自然成為貨 Van司機，為靚女朋友搬水泡！記者：許維雅攝影：伍慶泉Model： CC

外形夠 Kawaii

這五天駕着 Ractis，朋友們最感興趣的竟是它的來歷，「咁似 Echo？水貨？」事實上大部份日牌車仔都經水貨車行引入，好多人都唔知皇冠車行去年已引入 Ractis。日本車仔向來特別得港人歡心，因細細架方便泊車， Ractis由 Echo Verso演變而成，女性朋友上車都喊 Kawaii呢！

放大圖片
■輕輕一拉椅背手柄向前推便可摺合後座，有 987公升儲物容量的尾廂，大把位放雜物。

■輕輕一拉椅背手柄向前推便可摺合後座，有 987公升儲物容量的尾廂，大把位放雜物。

放大圖片

一手掉頭　正！放大圖片
■行經多彎窄路，只得 1.7米闊的車身令我淡定應付。

■行經多彎窄路，只得 1.7米闊的車身令我淡定應付。

向來駕車騰雞的我，亦夠膽駕着它穿梭村屋旁又斜又窄的路仔。輕鬆舒適的操控感覺，無壓力到似玩緊玩具車，平時窄路掉頭總搞到滿頭大汗，最小回轉半徑 4.9m的轉向幫我輕鬆一手掉頭。馬力雖只得 87匹，但對於駕車新手，易操控的確是增強信心的好選擇，不少朋友坐完順風車後，都有興趣買來作代步家庭車。

1,300mm高度　坐得又放得放大圖片
■座椅的帆布圖案夠吸引，不用真皮亦可。

■座椅的帆布圖案夠吸引，不用真皮亦可。

Ractis雖屬簡單的玩具車類型，但一樣有三個行車模式，除普通 D波，仲有 S及 B，將波棍拍落 S，轉數即提升至 3千轉，力量明顯較充足，上斜用就最啱；拍落 B波，轉數再升至 4千轉，車身明顯更咬地，大雨時用來落斜會更穩。至於內櫳絕對唔逼狹，一坐進車廂，個個第一句就是：「嘩！估唔到咁闊落！」內櫳高 1,365mm令車廂空間感增大，再將後排座椅摺起，帶來 987公升儲物容量，載大大件水泡都無問題。

夠慳油　 Perfect! 放大圖片
■波棍設於軚環旁，入波轉波極之方便。