現年 25歲的亞視藝員筱靖昨日被亞視公佈解約，即日生效。亞視高層鄭偉強力斥筱靖工作態度不專業，導火線是她不滿與 o靚模一同錄影硬撼港姐的水戰騷，甚至把亞視給她的警告信放上微博，還踩 o靚模唔同層次，辣㷫亞視高層炒她魷魚。

筱靖是 07年落選亞姐，是非多多，早前曾與吳亭欣公開罵戰，兩女關係勢成水火，但筱靖為上位博見報，不時奇招晒 34C導彈身材，本來亞視安排她參加上周一錄影的《青春無敵 Free D水運會》，明晚播出對撼港姐決賽，可是筱靖不屑與 Donut o靚模和妄攝 o靚模同場玩水戰而推 job，還把亞視給予的警告信公然放上微博，挑戰亞視忍耐力。亞視高層不滿筱靖不專業的工作態度，並向傳媒證實昨日正式跟筱靖解約，殺一儆百。《青春無敵 Free D水運會》於上周一進行錄影，筱靖卻在前一晚在微博留言：「真感謝大家對我的支持和鼓勵，我好感動，雖然強迫要把 warning letter的 post delete掉，但我心依然覺得 o靚模 no way and go away！」

放大圖片

筱靖本月 18日在微博留言，指被迫刪除亞視的警告信，又狂踩 o靚模。

放大圖片

筱靖月前度過 25歲生日，切蛋糕前許願，現在事業卻直插谷底。

亞視：佢死不認錯

亞視製作部高級副總裁鄭偉強昨日指出筱靖犯下三宗罪，他說：「其實佢早有前科，去年已犯禁背住公司私自接 job，最近公司安排佢做《青春無敵 Free D水運會》，佢又指自己同 o靚模唔同 level，咁樣對參與該節目嘅其他藝人好唔公平，當公司向佢發出警告信，佢又公然放上微博，呢啲係公司內部文件，佢咁樣做即係死不認錯，我哋上周已經決定同佢解約，但今日先採取行動。」對於亞視的指摘，筱靖昨日在電話逐一駁斥：「首先我想解釋我冇瞞公司接 job，嗰啲係拍膊頭幫朋友，我亦冇推水戰騷，只不過嗰日屋企有事，但我請假遲咗，藝員科先畀封警告信我，因為我想同唔喺香港嘅父母講番呢件事，我咪將封信上載微博。」

「我白癡無知弱智」

問筱靖為何不選用電郵？她說：「我唔識，因為我白癡、無知同弱智，唔知會咁嚴重，但我會檢討番，我今日已經返咗公司見高層。」筱靖希望亞視給她機會改過。採訪：林妃、比華利


筱靖平時愛豪晒 34C導彈胸，卻不屑與 o靚模同場，拒接亞視用以對撼港姐決賽的水戰騷。資料圖片

筱靖辣慶亞視遭炒魷

亞視昨日「怒炒」筱靖，雖然她明年五月才約滿，但亞視力數其「三宗罪」，決定提早解約，更因對方犯錯在先而毋須賠償。筱靖昨晨急見新老闆王征，最終保留工作簽證，與亞視保留合作關係。

亞姐出身的筱靖早前因拒與o靚模演出對撼港姐節目《青春無敵Free D水運會》，觸怒公司及接警告信。其後，她將警告信上載到微博呼冤，亞視有感她明踩自己的製作，開會後決定解僱她，亞視高層鄭偉強說：「我哋對事唔對人，有合適工作會再搵佢。」