四叔李兆基出名對員工好，屋企有喜事，公司上下員工齊齊受惠接萬元大利是。
又到聖誕，記者獨家潛入恒基聖誕派對，原來四叔包食包玩包派大利是未算新意，派出「吉祥物」二少奶徐子淇做親善大使影合照亦係意料中事，一個party見晒李家第三代接班人、BB專枱坐齊大仔李家傑一門三傑同徐子淇嘅兩女一男金叵羅才是派對高潮，外人恨都恨唔到！


上週三(14日)，恒基兆業在四叔旗下The Mira酒店筵開44席舉行聖誕聯歡會。今年的派對特別之處勝在有連四叔都坐唔安樂，要不停離座親自服侍。邊個天大面子？咪就係第一年喺恒基活動上露面嘅智仁、智勇、智信三胞胎男孫，以及出世才四個月的李俊熹。

一人一保母
約十五個月大的智仁、智勇和智信，自從去年滿月時由父親李家傑發相公告天下，唯一一張近照是半歲大時由父親李家傑上載到微博的BB相。當晚三寶首次齊人真身光臨，專桌被爺爺四叔安排在李家三父子以及恒基高層的主家席旁邊。雖然有專人傭人團服侍三位孫少爺、另每位人盯人配備專屬保母，爺爺李兆基還是不時撇下身邊高層和手邊食物，親自往來三代專屬枱黐實寶貝孫兒有冇食飽飽，肉緊程度不言而喻。

排隊影子淇
同樣帶住兩個女兒晞彤、晞兒以及俊熹到場與員工同歡的徐子淇，當晚亦身負重任，要代表整個李家做親善大使，滿足全場員工合照要求。一向寬容，性格又平易近人的子淇明顯是全場最受歡迎李家人，整晚不斷被員工包圍甚至排隊要求合照，人龍最長高達數十人，十足主題樂園吉祥物。冇得湊仔女又冇得坐低食，差不多企足全晚的子淇難得保持笑容任影唔嬲，其間仲識搞gag同員工講笑：「咦，咁我下年係咪應該着番套聖誕老人衫嚟呀？」着乜都係咁話，子淇喺恒基受歡迎程度睇怕勁過聖誕老人囉！

千億閒情
普通人妻人母點消磨度日，每日睇《都市閒情》都知，不外乎煮吓餸教吓仔。千億新抱徐子淇日子點過？就要睇吓佢個微博喇。原來徐子淇偷偷化名「Poppylee寶寶」玩微博，但就好低調，只關注包括陳君宜、鄺文珣及黎姿等僅僅7個老友，唔講真係冇人知呢個冇profile相嘅網友就係千億身抱真身。 ####


子淇冇肚收身
整晚排隊與二少奶影相條長龍都長達數十人，難得子淇冇詐型，保持笑容逐一滿足員工願望。當晚子淇顯得身形纖瘦冇肚腩，所以唔少員工都讚子淇又瘦又靚，氹到佢鬼咁開心。


月初與李家誠出席慈善活動，生完四個月的徐子淇笑言：「身愈嚟愈瘦，肚愈嚟愈大。」不過事隔2星期，子淇已經冇凸肚。


四叔黐實3胞胎男孫 BB專席就設在主家席隔籬，方便爺爺四叔實寶貝孫。李家傑大仔智信、老二智仁和細仔智勇全晚有專人服侍餵食物及鮮橙汁。


現場一共44位，可以見到兒童席就喺正主家席隔籬，而四叔不時轉枱坐望實三胞胎食嘢。


大女晞彤子淇大女晞彤已經4歲大，當晚不時跑到主家席撩爺爺四叔玩，相當精叻！


細女晞兒子淇二女晞兒就2歲大，頭戴大花頭箍，加上一身tweed coat打扮，似足媽咪咁高貴。


主家席一共坐20人。當晚李家傑同家誠就多數時間留守主家席同高層傾偈食飯，唔似得四叔同子淇咁頻撲。


去年十月李兆基四萬咁口抱住三胞胎同長子李家傑合照。


今年10月，徐子淇豪花三百萬為細仔俊熹舉辦馬戲主題迎新派對，慶祝終於追到慈菇椗。《忽然1周》圖片


子淇細仔俊熹已經6個月大，當晚亦有出席聖誕P，仲坐近主家席由保母幫忙照顧。《忽然1周》圖片


布置家居仔女生日宴、百日宴下下花幾百萬請人布置，對得專業團體多，李太聖誕裝飾都有番咁上下水準。


海邊瑜伽千億新抱嘅瑜伽班就對住個海，一般市民買嘅過萬蚊瑜伽套票根本冇得比。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄