07年參加Tvbeople入行的蔣家旻，08年開始入無綫拍劇，可惜做極都係細妹或者反叛少女角色唔起眼。難得有機會在《天與地》佔重戲，蔣家旻竟然話當初casting根本唔關心有冇得拍。
入行變索
中學時期嘅蔣家旻唔識化妝，眉粗大鼻似足男人，好在入行後有人幫手執走薯look，當堂似足同樣厚唇嘅徐子珊同舒淇。不過她說：「我唔覺個嘴性感喎！」
《天與地》09年拍落，擺足2年先出街，而劇中幾個版主角家叫做有啲知名度，可惜兩年後嘅今日依然做緊閒角。咁啱五人都有份同黎耀祥、鄭則仕拍《造王者》，希望到時再谷到更多人氣！
家明變白頭佬
大結局中，冇被食嘅家明變咗白頭佬，返去同阿Yan團聚，仲會搵番另外三人上天台夾band，而阿佘就會着番蔣家旻嘅妹戲服，紮馬尾扮後生。
轉教結他
原本充滿戾氣嘅陳豪，喺另一個時空會變成斯文男，冇晒紋身，喺社區會堂教結他。
繼續專業
本來會變盲嘅黃德斌變化最小，一樣係唔再夾band，專注做精算師。 ####
蔣家旻雖然未上到一線，但非常有堅持，「我試過推劇，因為嗰次要我喺《潛行狙擊》入面做一個俾Bosco攬攬錫錫嘅女仔，一句對白都冇！我覺得我未至於要做到咁，咪同PA講唔想接囉！」
老嫩同場雖然被揀中做嫩版阿佘，但蔣家旻個樣同阿佘其實唔太似。
喺《移情別戀》入面只係做苗僑偉（左）姨仔，咁鬼路人甲，唔怪得俾人踩到上心口！
玩得「我初時好驚阿佘，但其實佢好玩得！有次班男仔問佢第一套劇係咪《雪山飛狐》，佢即刻笑住答：『做咩呀？想話我做得差呀？係吖，我係做得差喎！』」
細心「陳豪好好人，佢喺十二廠有部咖啡機，試過親自煮畀我哋飲！」
教導「保怡個人好認真，有次走過嚟同班男仔講道理，『你哋夾band嘅水準差咗啲，我哋咁忙都會抽時間練，你哋真係要再努力啲！』」
四位band仔於現實亦不時約埋夾band，可惜家明張景淳唔生性遲到，激死羅鈞滿。
有傳黃德斌06年將愛車賣出，套現30萬打本畀女友黃美思開鋪，二人拍拖十幾年，依然非常sweet！《壹週刊》圖片
女友睇鋪 Joyce親力親為打理位於尖沙咀嘉蘭圍的時裝鋪頭，據知生意唔錯，連栢芝都係熟客仔。
與女友同居的西貢南圍村屋，由黃德斌於09年以100萬買入，現時市價約120萬，都叫有樓揸手。
留言列表
{{ article.title }}
