Cover Story
潮州烈媽 楊千嬅
烈女不怕死，但憑傲氣……
那些年我們一同見證心口掛勇的烈女，沿路腳踏斗零踭跌低再起身，一步一步走到結婚生子榮升母親的現階段。
烈女進級潮州烈媽，心態最大不同，是昔日的工作狂今天一切以老公同囝囝丁進諾馬首是瞻。
「最近變咗阿毛開始研究金價。」
咁詭異？
「呢單嘢有典故㗎，話說潮州人好實際，好鍾意買金，結婚時嫲嫲送咗粒金元寶俾我，即是無雕龍雕鳳、好重秤、拎上手實的的嗰種；點知到阿仔出世時又送一粒，我問嫲嫲做乜嘥錢？佢話潮州人興一代傳一代，結婚時送俾我嗰粒，其實係留俾阿仔將來結婚時嘅禮物，至於呢粒，就留俾阿仔未來老婆，原來我只係負責 keep。
「諗深一層又啱喎，小朋友每年收收埋埋咁多利是錢，玩具買唔晒，銀紙貶值儲入銀行又無息收，不如為阿仔將來打算，買金有保值，又有紀念性，不過唔買唔知依家啲金真係好貴！」果然是產後荷爾蒙大變，阿媽心態，表露無遺。
先得嗰六個月人仔就有阿媽為你投資籌謀，使乜蘇師傅指點迷津，都知你丁進諾將來衣食無憂。
成為母親後，家庭工作如何取捨？
黑色絲絨晚裝$194,280
黑色皮手套$4,380
Both from Bottega Veneta
好坦白講，以前，我係烈嘅，將所有 energy都「 chur」晒喺工作度；依家都仲有工作狂質地，但就落咗柔順劑囉∼哈哈哈！我唔做嘢唔得，對個人同家庭各方面都唔好，兩公婆之間維繫，同小朋友日後相處，點都要與時並進 keep住 update。不過會揀 job做，點都會就咗老公同阿仔先，所以唔會再疊住兩部戲日以繼夜咁拍法，或者個半月唔見人唔知飛咗去邊，希望喺個仔一歲前盡量留多啲時間响佢身邊，睇住佢唔同階段長大進程，最多自己辛苦啲，錄影前先飛過去。之前有人搵我拍戲， 50組戲裡面我約莫有 20幾組，都無接，對唔住，真係未得，體力上未恢復，精神上又驚無心機，根本都未 recover，對成個 project都唔 fair，咁不如等自己調整好先做啦。
性格上有幾大改變？
小朋友去到邊個階段？
由產前 160磅的哥斯拉身形，減到回到未嫁時的做女身段，痛苦嗎？
灰色綴閃片晚裝售價待定
黑色高跟鞋售價待定
Both from Dior
其實我一直好想講，我唔係生完好耐咋，係啲人以為現今產婦個個生完可以即刻無事，過程中，我係有付出代價， even我係最唔想付出代價嗰個，我唔介意為個仔肥，因為我餵人奶，減肥的話個仔食乜？但無辦法，我始終要履行產前合約，我對自己亦有要求，我都覺得無理由乜都唔搞就咁見人，唯有辛苦啲用兩個月時間慢慢減 30幾磅囉！更變態嘅事係，即使用盡方法咁減依然距離目標尚有 10幾磅，無計，只好繼續慢慢減。既唔傷身又減得健康方法？真係要睇營養師，跟餐單逐樣計住卡路里去食，例如原來食一隻蛋白都可以攝取到蛋白質，就食蛋白唔食雞，仲要跟教練做好多運動，例如樓梯機同器械運動。成套訓練過程本來包埋要做舉重，但礙於抱阿仔抱到隻手有肩周炎，唔敢太「 chur」，驚心急得滯姿勢唔啱用力過度，會肩周炎發作，一停，再 on and off舉番就會好痛苦，所以要就住就住；問題係咁嘅年紀開刀生仔真係好傷，到依家都唔敢跑步，所以嗰 10幾磅肉都唔敢太 aggressive去減，你話我幾矛盾！
驚唔驚自己會變成怪獸家長？
驚唔驚小朋友要在鎂光燈的壓力下成長？
積穀防飢
黑色單肩長裙$22,180 Jean Paul Gaultier
片言隻字，已道出昔日的強悍烈女，變成今日老公丁子高口中感情豐富極眼淺，對住個仔變得溫柔有耐性的好媽咪。
不信？還有以下閒話一則。
因為潮州人最講「信」字，拍心口應承了中央電視台做公益節目，以一名母親身份為國內有須要的智障殘疾兒童父母演出籌款的千嬅，為了這份工作，直至明年一月尾前都要中港兩邊密密飛。
「查實初頭係推，唔想離開阿仔咁耐，但央視嗰邊好想我做，而諗深一層我亦覺得係一件好事，所以最終都係應承咗。」
飛之前，千嬅除了如常的執拾行裝，叮囑家常二三瑣事，最重要的工作，就是為六個月大、開始每日食一餐米糊或果蓉的丁進諾 Torres，泵足儲備。
「出返嚟做嘢之前，我已經雪定足夠分量人奶，阿仔需要起上嚟亦唔驚無得食，一定營養十足。」
See！有口福，又有阿媽年年幫你儲金元寶長揸積穀，丁進諾你實在太幸福！ 
撰文：趙朗楨
形象：區永欣
攝影： UN WORKSHOP
化妝： Zing@ZING the makeup school
髮型： Vic Kwan@ii hair&nail
留言列表
{{ article.title }}
