早就應該賣啦！（設計對白）
Gigi和夫婿 Sergio結婚一年，夫妻仍然處於蜜月期，經常有影皆雙，甜到漏。
探熱針
一滴不留 撇清鄭伊健 梁詠琪 2,380萬拋舊愛巢
斬斷一切
鄭伊健早前接受黎芷珊主持的《最佳男主角》訪問時，以轟烈形容與梁詠琪的一段情，讓他留下不少回憶，二人分開七年，他公開明年會與蒙嘉慧拉埋天窗，加入老襯大軍。
舊愛鐵定結婚後， Gigi決定將西貢匡湖居的舊居放售，斬斷跟伊健有關的一切。
「阿 Gi一直都的唔起心肝賣匡湖居，除咗因為嗰度個 view靚同好住外，唔多唔少都同伊健有關，雖然當年佢哋兩間屋係打對面，但都係一齊生活咗咁多年，點都有啲唔捨得，而家伊健都結婚，阿 Gi終於可以完全放低！」 Gigi身邊友人透露。
Gigi與伊健分手後不久，便搬離西貢匡湖居舊居。
鄭伊健早前宣布與女友蒙嘉慧結婚，二人婚後將入住伊健位於匡湖居的寓所。
先探溫
據了解， Gigi的舊居屬於屋苑內的筍盤，位置好，盤源較少。
「阿 Gi間屋兩、三年前再裝修過， keep得好新淨！唔計天台嗰層，其餘兩層加埋有千六呎，仲有個一千呎花園，佢六百萬左右買返嚟，早兩年如果肯賣嘅話，賺得仲多，而家放二千三百八十萬，試吓價先。」
結婚超過一年， Gigi與老公 Sergio相處仍然似是拍拖中的男女。
「佢兩個真係好 sweet， Sergio好錫阿 Gi，而阿 Gi又好識氹老公，連下廚手勢都勁咗好多；成班朋友見到佢咁幸福，都戥佢開心。而家阿 Gi仲肯賣埋匡湖居，係最好嘅事！」 Gigi身邊好友說。
鄭伊健和梁詠琪當年合作舞台劇訂情，梁詠琪為方便和男友約會，亦搬入匡湖居裡居住。
Gigi以二千多萬放盤的舊愛巢，其實已丟空多年，內裡裝修樸實。地下大廳外還有大平台，享有廣闊海景。
平台花園
寬敞大廳
Cutie黑貓牆貼
三樓主人房外景色一流，房內牆壁貼上卡通黑貓，相當趣致。
無敵海景
現代化廚房
廚房內的廚櫃和雪櫃，保持新淨， Gigi居住時，估計甚少下廚。
身家過億
Gigi兩公婆經常婦唱夫隨，早前二人甚至齊齊現身電視節目。
梁詠琪在內地有價有市，密執唔少，加上梁母投資有眼光，目前手持的四項物業，市值已過億，是娛圈小富婆。
物業 市值
西半山聯邦花園中層單位兩個 $4,000萬
西貢匡湖居獨立屋 $2,380萬
灣仔文安樓地鋪 $1,800萬
尖沙咀天星大廈中層單位兩個 $2,600萬
總值約$1億 780萬
過去兩年進賬 收入
演唱會 $200萬
電影 $240萬
登台、品牌活動、拍廣告 $2,000萬
總值約$2,440萬 
留言列表
{{ article.title }}
