鄧健泓暗溝張嘉兒返閨
今年38歲的鄧健泓（Patrick）與年輕16載的無綫藝人龔嘉欣上月於微博「掟煲」，一直傳是後者搭上港男許家傑而狠飛事業未見起色的Patrick，正當以為Patrick是「受害者」，昨日卻爆出原來他早已搭上被戲稱「豬扒港姐」的張嘉兒。戀情曝光，男方口口聲聲否認，卻忍不住讚嘉兒「美貌智慧並重」，嘉兒亦明言不排除發展機會！
無綫藝人龔嘉欣（Katy）上月在微博宣布與拍拖逾兩年的鄧健泓因性格不合分手，即有指是她劈腿搭上2009年港男冠軍、29歲的許家傑，而速撇於公仔箱失勢的中佬Patrick，難得Patrick「配合」不時殘爆情傷造型現身，但事隔才一個多月，昨日爆出180度大逆轉的分手版本，原來有人劈腿扮受害者！
據知Patrick與龔嘉欣拍拖時仍不時四圍獵女，去年成功撻着曾被網民嘲「豬扒港姐」的2007年港姐冠軍張嘉兒，二人合演電視劇《飛虎》開始熟落，期間Patrick對嘉兒呵護備至，即使早已拍完戲份亦等女方收工，再揸車送她回家，更有人目睹他進出女方將軍澳寓所大堂，關係非比尋常。由於當時Patrick身邊有人所共知的「正印」龔嘉欣，故有指其行為已令不少身邊人側目。
新歡曝光口窒窒
記者昨日致電Patrick求證，驚聞新歡曝光的他即時嚇窒，支支吾吾：「唔係呀嘛……朋友啫……咩人講o架？（咁你哋咩關係？）朋友，依家係，將來都係。（畀人影到一齊？）淨係影到我哋同車啫！」當問到同車往哪兒，他開始轉口風：「唔想多講，就算係，我依家係單身，唔知點解正常交往要咁麻煩！唔想講咁多，無論講咩都死。」問到發展機會，他說：「唔敢講，實會牽連到話有第三者，都傳過許家傑啦！」
激讚美貌智慧並重
問到對嘉兒的感覺，Patrick不用細想即連環激讚：「喺我眼中嘉兒係一個美貌與智慧並重嘅人，唔會做第三者。」更隔空氹女：「我依家38歲，對每段感情都好認真，每次分手都會發生問題，我都唔想。」最後再次拖舊愛與許家傑落水：「就算我哋（與龔嘉欣）分開咗，佢哋（龔嘉欣與許家傑）喺埋一齊，開心就得。」
而另一當事人張嘉兒接受電話訪問時，亦夾晒口供否認拍拖，並說：「坐Patrick車係疏忽！」又指「第三者」之說對她不公平，不希望被誤會。嘉兒自爆不覺得Patrick有追求之意，但問到發展機會時卻大賣關子：「咁我又唔知嘅，但唔會做第三者囉！」明顯話外有話，留有一線。而至截稿前，「受害人」龔嘉欣仍未就事件回覆。
鄧健泓（38歲）
學歷：加拿大Grant MacEwan Community College美術科畢業
工作：2001年正式成為歌手，歌唱事業平平。2007年備受陳志雲賞識，主持無綫節目，包括代表作《味分高下》，後更因稱志雲為「蜜糖」（Honey）而成為全城熱話，但近年事業漸趨平淡。
張嘉兒（29歲）
三圍：33、24.5、34
學歷：加拿大英屬哥倫比亞大學畢業
工作：2007年度港姐冠軍及2008年度國際中華小姐亞軍，曾被網民戲稱「豬扒港姐」，經過多年演藝事業洗禮愈變愈靚，曾與藝人金剛傳緋聞。
龔嘉欣（23歲）
三圍：32、24、33
學歷：修讀香港演藝學院戲劇學院文憑
工作：曾演出無綫劇四葉草系列第三集《盛裝舞步愛作戰》，最近於《拳王》及《天梯》的表現備受觀眾關注。
第一手消息請下載on.cc東方互動iPhone/iPad/Android/Windows Phone Apps
專案組
早前合作拍劇，鄧健泓已對張嘉兒管接管送。
與龔嘉欣拍拖期間，鄧健泓已公然將與嘉兒的合照放上微博證「友好」關係，當時更有網友留言讚二人登對。
張嘉兒與龔嘉欣（圖）一個有美貌頭銜、一個就夠嫩口，真係難揀！
張嘉兒
關係七國咁亂
向來「花底」的鄧健泓撻着港姐張嘉兒，令原本混亂的人物關係亂上加亂！上月龔嘉欣與鄧健泓宣布分手，矛頭直指「第三者」許家傑，惹來許家傑舊愛Grace發炮狂轟龔嘉欣是「小三」，其後許家傑澄清與Grace「唔熟」，自己已另有「正印」女友。而張嘉兒原本有一圈外老外男友，據知去年分手，剛好與鄧健泓撻着時間脗合，關係錯綜複雜，誰是小三、小四，曲折離奇，關係七國咁亂！
拍拖期間，龔嘉欣曾素顏兼街坊裝陪鄧健泓買餸煮飯仔。
鄧健泓明目張膽撻著張嘉兒
曾經自稱是陳志雲Honey的鄧健泓（Patrick）與無綫小花龔嘉欣早前宣布分手，期間曾傳出港男許家傑是第三者，但原來別有內情！有指Patrick拍攝劇集《飛虎》時已跟有「豬扒港姐」之稱的張嘉兒秘密搭上，公司同事看不過眼，都曾勸龔嘉欣忍痛放手。
鄧健泓自爆與張嘉兒被拍到同處一車，令二人關係浮面。（資料圖片）
鄧健泓（Patrick）、龔嘉欣早前宣布兩年多戀情玩完，傳前香港先生許家傑是第三者後，嘉欣邊哭邊否認，還強調未能放下舊情。不過，據二人身邊好友透露，鄧龔分手原因乃Patrick在拍攝無綫劇集《飛虎》期間秘嗒張嘉兒，除經常任對方「柴可夫」管接管送外，就算男方收工後仍會等嘉兒一同離開，盡顯冧功，令旁人為之側目，就連嘉欣的圈中朋友收到風後也紛紛勸嘉欣斬纜；亦有居於將軍澳的同事曾見Patrick與嘉兒於女方寓所齊齊搭升降機上樓，加上嘉兒亦已跟外籍男友分手，令戀情更公開化。
「同車關係」曝光
記者昨日致電Partick，他直認剛剛與嘉兒於車上被拍，問是否齊齊返家？他謂：「總之喺車，其他我唔想多講。（你係咪同嘉兒拍緊拖？）唔會呀嘛！乜嘢人講o架？我同佢係朋友，以前同依家都係。我依家單身，唔知點解男、女正常交往咁麻煩囉！（發展機會？）我點講都係死，實會牽連到一啲關係，分開嘅實有第三者，好似之前許家傑咁！」
鄧健泓：我單身，你又單身……
（設計對白）
張嘉兒：都係「同車」先啦！
（設計對白）
不過，Patrick明顯相當維護嘉兒，除怕為女方帶來傷害，並大讚嘉兒謂：「我認識嘅張嘉兒係美貌與智慧並重，佢點會做第三者！我都38歲，對每段感情都好認真，都唔想每次都發生咁多問題。」之前他與原子鏸、李詩韻、龔嘉欣拍拖都沒有好收場，問他是否以後也不跟圈中人拍拖？他有保留地說：「我唔想交代太多，我同嘉兒係朋友，總之佢一定唔係第三者。」他又再三否認許家傑是第三者。其實早於2010年，Patrick曾上載與嘉兒密照，更有童鞋離奇地祝福二人戀情。
至於嘉兒昨在電話中同樣斬釘截鐵否認是第三者，但承認經常坐男藝人順風車：「我坐Patrick車係疏忽，佢同Katy分開咗係好敏感，呢件事對我好唔公平，希望Katy唔好誤會，（同佢解釋？）有機會都會。」她又坦言不覺Patrick有追求之意：「通常男仔直接叫我做佢女友先會覺得佢追我，（你哋有冇發展機會？）咁我又唔知！但我唔會做第三者囉！」
文：影視組
許家傑沉冤得雪
一直被冤枉是第三者的港男許家傑被問終沉冤得雪，他謂：「好事嚟嘅，不嬲我同Katy（龔嘉欣）都講咗唔係，（戥嘉欣慘？）要問清楚先。」他又坦言現時與嘉欣合作拍攝《更上一層樓》，嘉欣的心情已有好轉，亦不介意安慰伊人：「佢係我好兄弟，佢要搵人傾心事我一定會同佢傾。」
嘉兒的圈中好友周家蔚及張美妮力撐嘉兒不會做「第三者」，張美妮坦言：「嘉兒都有話畀人影到相呀！佢同Patrick點樣friend都有同我講，由拍《飛虎》開始，有時佢接咗啲周年晚宴司儀做都會叫Patrick教佢中文、司儀技巧。」
還是覺得港姐好
鄧健泓乃圈中出名港姐殺手，歷任女友皆有港姐頭銜，但「排位」最高都要數新歡港姐冠軍張嘉兒，而剛撇甩的龔嘉欣則勝在嫩口，證明他追女確有計！
原子鏸（1999年度香港小姐亞軍）
2000年因拍處境劇《男親女愛》撻着，情到濃時當街攬錫，後有指因鄧健泓大男人，不喜歡女友太性感，而女方則認為與男友人生追求有所不同，最後分手，2004年結束四年情。
李詩韻（2003年度最上鏡小姐）
2004年因拍劇《老婆大人》擦出愛火，但為免戀情受壓，二人一直否認戀情。至2007年鄧健泓人氣急升，戀情才逐漸浮面。後有傳二人因經濟問題經常吵架，於2009年分手。
龔嘉欣（無綫藝人）
2010年因合演劇集《隔離七日情》傳情，上月女方於微博公告「分」訊，鄧健泓表示雙方因性格不合而結束兩年多的戀情。
張嘉兒
原子鏸
李詩韻
「哎吔小三」許家傑：搞清楚咪好
港男許家傑一直被指是龔嘉欣與鄧健泓之間的第三者，現時終於還得清白，許家傑坦言與合演《雷霆掃毒》的張嘉兒亦相熟，但始終當事人仍未正式承認戀情，故身為局外人不方便回應。
說到「沉冤得雪」，許家傑說：「不嬲同Katy（龔嘉欣）都講咗唔係，只係大家成日一齊做嘢，係好朋友，依家清清楚楚都係好事。（戥佢慘？）要問清楚先，希望佢哋唔好唔開心，我唔知佢哋分咗手會唔會有復合機會，所以局外人都唔講太多。」他表示現時跟龔嘉欣合作拍攝節目《更上一層樓》，對方心情已平復：「佢好番啲，係之前唔開心啫！（安慰佢？）一定會，佢係我好兄弟，有需要搵人傾心事我一定會同佢傾。」
張美妮爆教中文「行埋」
而張嘉兒的圈中好友周家蔚及張美妮力撐她不會做「小三」，張美妮指張嘉兒早前已透露遭偷影：「我同佢係好Close嘅朋友，乜都同我講，我好肯定佢唔會做第三者，佢同Patrick（鄧健泓）點樣Friend都有同我講，佢哋由拍《飛虎》開始熟，之後嘉兒接咗啲司儀工作，都會叫Patrick教啲司儀技巧，Patrick就會教佢中文。」而周家蔚則說：「嘉兒一定唔會做第三者，唔好睇得件事咁複雜。」
龔嘉欣於公開活動情深款款望實許家傑，難怪緋聞傳完一次又一次。
張美妮
留言列表
{{ article.title }}
