o靚模唔易做！「浸大E神」楊梓瑤（Carol）去年推出超激寫真，雖然留了倩影，但同時留下陰影，尤其性感啜冰棒照，遭外界狂轟意淫，令Carol贏了人氣，卻壓力爆煲崩潰狂喊！Carol會一連5日，親自剖白入行後的甜酸苦辣！
當初做o靚模，都係博吓咋！因為做完《美女廚房》後，諗住出寫真，但嗰時讀緊書，擱置出寫真，而且周秀娜已經有出位寫真，佢嗰本好震撼，好多嘢好爆，外界反應唔錯，咁我要超越佢，搞到心理壓力好大！出寫真係為咗賺錢，靚女通街都係，要突出自己，就要諗計搵另類方法，當初影嗰輯「含啜冰棒」同埋「啜啫喱」相，確係有掙扎過，啲Shot影得我好唔舒服，擺甫士唔好受，嗰時乜都唔識，影嗰時要衝破心理關口！當初以Part-time形式搵錢賺外快，冇諗過要畀其他費用，好似置裝費同化妝品等！
畀人話Cheap狂喊
寫真集出咗後，意想唔到回響咁大囉！當時我真係乜都唔識，又驚做錯，外界反應不一，試過畀人話係「賣肉模」，又畀人話Cheap，聽到好唔開心，成日以淚洗面，壓力好大，到依家仲未放得開！女仔嚟吖嘛！邊個鍾意畀人話？但啲人邊睇邊鬧，有太多所謂讀書人同衞道之士抨擊，乜嘢叫做唔健康？我覺得香港人成日話開放文明，其實就一啲都唔文明，亦唔西化，啲人根本故步自封，將模標籤化！人哋第一眼見你，只會留意你身材。講真，撇除所有敏感甫士，呢本寫真影得我幾靚，同埋開始識得擺甫士！
出完寫真集之後，我去咗拍戲，呢一年都拍咗至少5部電影，係咪搵好多？又唔係話豬籠入水，旨在吸收經驗囉！不過試過連踩兩部戲，個人好唔舒服，免疫系統失調，結果病咗兩個月，所以辛苦錢真係唔易賺o架！
你問我依家會唔會封胸？我諗順其自然啦！唔會特別話封唔封，最緊要靚囉！唔好太夾硬，三點式演出都有商量，睇公司安排啦！經過寫真大戰後，我上咗寶貴一課，EQ都高咗！之後又傳我整容、隆胸、結婚、甚至墮胎，幾多負面新聞都有，不過我已經承受到！雖然坊間成日傳模畀人問價，但呢個情況從來冇發生喺我身上，因為工作時我唔會犯規，亂畀手機號碼其他人，唔想承受後果，如果啲人真係搵我做嘢，會搵公司同事，同事會識得過濾！
「冇內涵始終爭啲」
如果唔想畀外界批評，o靚模本身要爭氣，啲人話質素每況愈下，只係情人眼裏出西施啫！好多女仔唔想畀人評頭品足，唔好只係話班女仔帶壞風氣，影響社會，唔好推卸責任！不過我覺得最好讀完書先入行，好多人都話讀唔成書先做藝人，其實唔係，好多藝人學歷好高，有學歷對理解劇本同演技都有幫助，就算樣貌身材有幾好都好，冇內涵學識始終爭啲！
Profile
姓 名：楊梓瑤（Carol）
出生日期：1988年6月23日
三 圍：3４E、24、34
身 高：1米63
學 歷：浸會大學人文學系副學士
寫 真：《Huge》（2010年）
電 影：《婚前試愛》及《猛男滾死隊》等
專案組
楊梓瑤去年的寫真集充滿話題性，一張啜冰棒相令人嘩然！
Carol指其寫真超激之餘，亦充滿美感，大家可贊同？
拍戲時試過邊病邊上陣，令Carol體會到辛苦錢唔易賺。
楊梓瑤的出位寫真推出後，批評聲不絕於耳。
當年密實Carol（左）曾參加《美女廚房》，可惜回響不大。
Carol搔首弄姿，驟眼看有點「海潮Feel」，好嫵媚呀！
留言列表
{{ article.title }}
