無綫花旦個個搏命，鍾嘉欣初入行已經講明只係求財，是非、緋聞唔好埋身，密密做，終於咪捱到殘。
花旦捱出病
TVB出名「善用」花旦小生，加上鬧小生花旦荒，所以最近幾位阿姐都捱出病，被迫停工。
陳法拉 面癱
自爆面部三叉神經痛持續兩個月，時好時壞，醫生仲話未必會完全康復，並有面癱危機，法拉擔心到即刻辭演《名媛望族》返美休息。
楊怡 歪下巴
上年一口氣連拍4部劇，後來持續感冒入院做身體檢查，發現因為長期缺乏休息，令下巴神經受細菌感染，以致肌肉硬化，下巴仲歪埋，決定停工半年。
陳敏之 跌斷鎖骨
為《怒火街頭》拍攝一場當街裸跑戲，結果因天雨路滑而跌斷左邊鎖骨及頸椎，其後更患上腎炎，全身暴脹口腫面腫要入院長唞，當時拍緊《為食一條街》都立即暫停。 ####
鍾嘉欣企圖以厚妝遮濕疹，可惜愈遮愈覺，可以睇到佢兩邊面同額頭，都腫起一笪笪。
再次殺入樂壇，鍾嘉欣最近簽約星煥做唱作歌手，唔放過任何賺錢機會。
免疫系統出問題！真實對白
勁厚粉：話晒都靠個樣搵食，塊面生濕疹可大可小，被問到面上一笪笪，鍾嘉欣顯得好擔心。上星期出席活動更以勁厚粉遮濕疹。
日捱夜捱，今年終於憑Miss Koo一角人氣急升，可惜頒獎禮食白果，得個做字。《萬千星輝頒獎禮》當晚嘉欣已不斷照鏡，濕疹開始發作。
逃唔出將軍澳鍾嘉欣已搬入今年以550萬購入嘅新都城千呎新居，最近仲將舊居放租，佢話之所以連買2個新都城單位，是想趁低吸納。
鍾嘉欣一向身體麻麻，06年，好姊妹楊思琦（黃衣）帶佢去九龍城睇中醫調理身體。
全站熱搜
留言列表
{{ article.title }}
