信唔信我摑你！（設計對白）
話埋我食屎狗都得，投我一票！（設計對白）
徐子珊爭取機會，叫曾志偉以及行政主席梁乃鵬投佢視后一票。
同你吟一吟
徐子珊厚皮拉票
今年無 綫玩一人一票選視帝視后，唔只觀眾有份參與，無 綫上下員工都可以投佢 哋神聖一票。為 咗成為首個民選視后，本身已經係大熱 嘅徐子珊，並冇放軟手腳，趁住上個禮拜二晚（十二月十一日），無 綫 响電視城舉行一百七十九席盆菜宴，徐子珊進行拉票大行動。
著上全黑運動裝，身上掛住 fans整俾佢 嘅彩帶，徐子珊攞住鑲滿閃石大聲公，不斷呼籲：「我係 8號徐子珊，請投我一票。」同議員拉票冇分別，徐子珊除 咗向高層埋手，仲「落區」打幕後以及寫字樓班同事主意，甚至教埋點填投票表格。做得出、唔怕認，徐子珊承認面皮厚：「我好大膽，唔怕醜，叫同事上網投我，難得有呢啲機會，拉票不惜工本。」
事隔兩日，徐子珊聯同馬國明陳茵媺等候選人去將軍澳商場出席拉票活動，繼續 keep住個彩帶造型，主動行埋班街坊身邊拉票，老中青幼連 BB都唔放過，通殺。
一眾高層上台祝酒鼓勵士氣，台下 嘅徐子珊拍爛手掌，你睇吓黎耀祥，填飽個肚緊要過擦鞋。
投我一票，醒你一秒合照！（設計對白）
為 咗拉票，徐子珊連幕後都唔放過，有員工要求合照換票，通通有求必應。
陳法拉都有份憑《東西宮略》入圍女主角，不過佢冇出力拉票，只係著住四吋斗零 踭擒高影低盆菜宴盛況。
陳豪唔係大熱，不過淨係睇盆菜宴當晚啲同事爭住同佢合照，就知受歡迎與否，係大聲公嗌唔到出 嚟！
全站熱搜
留言列表
{{ article.title }}
