開心飛起：落車即剝 奧飛驒裸命浸
日本奧飛驒溫泉鄉除酒店特別多外，更有唔少露天野湯讓你裸浸慢慢曬，有啲更係一個仙都唔使畀就可以讓你落車除衫飛撲入池，趁現在漫山紅葉，就算啲水熱到可以蒸蛋，裸泡至熟都要泡！記者、攝影：李鑒泉 Model: Hazel@Mspy model鳴謝：東瀛遊、國土交通省中部運輸局、中部國際空港
其他副刊影片 租車劈入山 平過搭巴士 放大圖片 
■奧飛驒招牌公仔，約$136。
以往去奧飛驒溫泉鄉多數要從松本或高山市轉巴士，每小時一班，尾班車約 6時半，加上來回車錢差不多要$500，如果幾個人去反而租車更化算，去到邊浸到邊。大部份租車公司均須網上預約，再到機場取車，最平一日唔使$600！小記今次幫襯的豐田租車單是車款已有 10多款，從 K Car到 SUV都有，因為奧飛驒溫泉鄉斜路多，所以還是租用四驅車 RAV4較安心。辦完手續、驗完車後記得叫師傅教你設置 GPS，雖然輸入電話號碼電腦就曉得自動定位，但因為選項太多，反而成日按錯鍵走錯路。另外日本高速公路出名貴，平均每 40公里收費$100，不過油錢至截稿一刻仍是每公升$14左右，除笨有精。
放大圖片 
■駕駛私家車四周拍攝靚人靚景，才是自駕遊的精髓。
放大圖片 
■中部地區 10月輪流有祭典上演，如剛舉行的收成祭就在白川舉行。
豐田租車地址：中部國際機場入境大堂 1樓網址：http://www.toyota.co.jp/rent
罕有白濁火山鹽護膚 放大圖片 
■男女浴各自有 7至 10個浸泉任你浸。
踏入 10月紅葉季節，奧飛驒溫泉鄉的山頭已從綠變黃或轉紅，每個彎都有不同顏色，在山腳下的ひらゆの森，以為門口大大座燈塔是裝飾，實際是足浴，門口雖不甚起眼，但內有乾坤，因溫泉使用活火山燒岳、乘鞍岳的泉眼，每分鐘湧出達 600公升，水面因而鋪有薄薄的白色，據知這些礦物鹽有助舒緩痛風、神經痛及手腳冰冷等不同症狀，所以不少上班族在周末專程從東京駕車來浸，每人約$50浸足至少 7個溫泉！唔鍾意與其他人玉帛相見，座落樹林中的兩層高小木屋，內置發熱地板，可容許 4個人同時打地鋪，更重要是每幢都有獨立半露天風呂，保障私隱之餘仍可親親大自然，每人每日約$618，抵！
放大圖片 
嘩！好舒服呀！下次我一定要租個室自己浸！
放大圖片 
■小木屋樓高兩層，每幢每日收費約$2,472。
ひらゆの森地點：岐阜縣高山市奧飛驒溫泉鄉平湯 763-1電話：（ 81） 578 89 3338交通：沿 158國道出平湯隧道後首個燈位左轉。網址：http://www.hirayunomori.co.jp
70度溫泉烚熟腳板 放大圖片 
■經過郡上八幡博物館可以欣賞職員表演求雨舞。
誰說免費溫泉一定要深入山谷中？毗鄰蒲田川的荒神之湯屬少數男女分浴的露天溫泉，行一分鐘就有停車場。因溫泉面對河川，既可望到河水沿怪石逐級而流，又可走進河中玩水，正因如此，浸溫泉隨時有被可能。但日本人好醒目，一察覺有鏡頭就自動四散，所以即使有十數人在浸溫泉，拍攝時仍是鬼影都無隻。女浴因有木籬笆阻隔，私隱度略略提高。當地人指若水溫適中，水質會呈現微黃色，對關節痛及肌肉痛特有療效，但未見成效前幾乎被溫泉灼傷，因水溫差不多攝氏 70度，就算浸腳一分鐘已經受不住。
荒神之湯地址：岐阜縣高山市奧飛溫泉櫪尾交通：從 158國道右轉入 471國道，見蒲田川旁停車場
護城河式腳湯 放大圖片 
■溫泉可加快血液循環，即使浸腳一會已使人血脈沸騰，當然要來個大解放啦。
一向足浴都是方形設計，位於山腰的中尾足浴除有幾座雕塑外，更有一條近 20米長的護城河讓人感受不同水溫，鄰近車位的溫度最低，然後橫越一段石春路後水溫開始攀升，越近泉眼硫磺味就越勁。很多人都選擇坐在一邊欣賞日本第三大高峯穗高岳的景致一邊浸腳，雖然氣溫只有 5度，但因水溫加速血氣運行的關係，即使穿着短袖衫亦唔覺凍，溫泉水的確犀利。免費溫泉始終需要資金作修葺之用，好多日本人浸完都會自動自覺將$20放入收集箱內以示支持。
新穗高溫泉．中尾 足洗之湯地址：岐阜縣高山市奧飛驒溫泉鄉中尾電話：（ 81） 578 89 2614交通：從國道 158號轉入 471號縣道後再沿 475縣道往上高山方向行 20分鐘，穿過隧道後右轉上山行 10分鐘。
溫泉床瞓住嘆 放大圖片 
■溫泉床可以讓你舒舒服服「瞓」溫泉，正！
坐住浸溫泉就聽得多，瞓住浸溫泉你又聽過未？距離市區約 30分鐘車程的旅館燒乃湯就有幾款新奇溫泉，首先名為「地獄釜之湯」的溫泉內有一個大煲，足以容納 3至 4個男人，看起來感覺就似落地獄後被鬼差用油炸的場景，落完「油鑊」後就可以到旁邊的見峯之湯，房內有張注滿溫泉水的木床讓人躺進去休息，而且可直望遠處雪山，再嘆番杯以飛驒水釀造的清酒，真係隨時舒服到唔想起身。
放大圖片 
■有甚麼比在溫泉飲酒更好！小心小心！
放大圖片 
■如果有多幾款清酒、米酒選擇就好了，左起約$40，右約$35。
放大圖片 
■溫泉水溫高，形狀有如油鑊的水池。
放大圖片 
■紅葉及溫泉永遠是最佳組合。
旅館燒乃湯地址：岐阜縣高山市奧飛驒溫泉鄉中尾 365電話：（ 81） 578 89 2704 網址：http://www.yakenoyu.com
郵票小檔案 放大圖片 
早前提到日本央行發行全國 47個縣的「地方自治法施行 60周年紀念」的紀念幣，既然硬幣銷量不俗，日本郵便又怎會不跟風推行同系紀念郵票，如最新推出的岩手縣，面值 80円， 4張郵票圖案包括中尊寺金色堂、淨法寺等歷史自然風景，發行量多達 700萬枚。
Travel Memo
持特區護照或 BNO免簽證。日本領事館： 2522 1184東瀛遊名古屋 3日自由行，包來回機票及 2晚住宿，另可額外租用豐田私家車，由即日至 12月 13日出發，套票價 2,799元起。電話： 3692 0888100V，兩扁腳插座100日圓約兌 10.1港元（文中價錢已折算港元）下周 10-23℃天晴
放大圖片 
放大圖片 
■唔使錢就可以跳入荒神 の湯大浸特浸，抵！
留言列表
{{ article.title }}
