William 改耻骨紋身搶人妻　阿Sa 背夫半億貼仔忽然1周 794期 @ 娛樂八掛大放送★

10月 11日高調晒幸福
公開戀情後，周一（ 11日）下午，阿 Sa及陳偉霆雙雙從鄭州登台返港，被眾多記者包圍。記者起哄叫兩人當場咀嘴，阿 Sa羞澀話：「唔係呀嘛！」反而 William則好識做，即攬住女友肩膊影相，交足功課。"
封面故事
William改耻骨紋身搶人妻　阿 Sa背夫半億貼仔
2010年10月15日
以往絕口不提感情事的阿 Sa（蔡卓妍），今年 3月舉行記招，宣布與鄭中基離婚。事隔七個月， 28歲的阿 Sa又反常地透過公司英皇，承認與細自己 3年的師弟陳偉霆拍拖 3個月，並齊齊由鄭州返港高調晒幸福，此舉無非想掩飾背夫溝仔的事實。
其實去年 11月阿 Sa拍電影《美麗密令》時，已暗中搭上 William（陳偉霆），更不惜與鄭中基離婚，雖然鄭中基戮力箍煲，但阿 Sa去意已決。而甚懂冧女的 William，為了夾實女友，早前將向舊愛 Angelababy示愛的十字紋身，加了個「 S」，寓意與阿 Sa永遠癡纏。
女友阿 Sa身家逾半億，更帶挈自己拍廣告兼人氣急升，陳偉霆當然要落多幾錢肉緊！
互動片段

阿 Sa William甜蜜返港

阿 Sa開腔談戀情

大話絕配偷嗒一年
阿 Sa與陳偉霆高調宣布戀情，全城熱話，外界一致唔睇好，但沉醉於愛河的阿 Sa卻幸福滿瀉。知情者話︰「阿 Sa真係好冧 William，佢哋去年尾撻着冇耐，阿 Sa已經不能自拔，主動向老公提出離婚。當時 Ronald（鄭中基）多次箍煲，仲搵埋 Sa爸出手都唔掂。」
據知，當時有人向鄭中基獻計，着他向傳媒公開與阿 Sa已婚，一方面希望情敵陳偉霆知難而退，又想逼阿 Sa與對方分手。豈料結婚證書曝光後，阿 Sa卻順勢開記招宣布離婚，難怪鄭中基受不住刺激，現場崩潰落淚。
阿 Sa宣告戀情後，心情靚爆，又指 William目前尚在「試用期」。

陳偉霆與舊女友 Angelababy昔日有個相同的十字架紋身，同樣紋在右邊耻骨位上，但隨着 William移情阿 Sa，紋身亦加了個 S。《 Face》圖片

移情改紋身
Angelababy另戀黃曉明後，多次否認與 William有愛的紋身，更表示不會紋上男友的名字，除非結婚。談到十字架紋身，她說：「都想過生 BB時會再紋過，變成另一模樣。」

拍戲玩失蹤
知情者話︰「阿 Sa當時同 William愛得難分難解，其實去年 11月喺番禺拍《美麗密令》嗰陣，工作人員都懷疑，因為佢兩個試過幾次失蹤幾小時，之後又齊齊出現，不過大家都唔敢出聲啫。」
向來冧女有一手的陳偉霆，很快就俘虜了阿 Sa的心，為了顯示對阿 Sa的承諾，陳偉霆早前暗中將昔日向舊愛 Angelababy示愛的情侶十字架紋身，加上「 S」字。

余思敏封嘴
鄭中基新女友余思敏，在這個敏感時期對外封嘴，但卻在有線訪問中認拍拖。

中基屈到病
阿 Sa與 William高調晒恩愛同日，前夫鄭中基戴住口罩到中環睇醫生，問到早前他直認與余思敏戀情一事，他裝聾扮啞不回應。

唔抗拒紋女友名
8月份，陳偉霆出席無綫生活台節目《詭異檔案》宣傳活動時，自爆遇邪靈扯爛十字架，更刻意砌詞話︰「因為咁我就喺身上紋上十字架。」藉此淡化他與 Baby的一段情，之後又鋪定後路話︰「如果個女朋友真係可以過世嘅，我都會紋佢個名。」又話曾有衝動紋女友的名字在身，只是家人唔俾。
由於阿 Sa年初才宣布離婚，為掩飾自己背夫溝仔及男友一腳踏兩船，兩人對戀情十分保密。工作不斷的阿 Sa，為了多些機會與男友見面，不惜多次引薦對方與自己拍廣告，又齊齊北上登台，奉旨拍拖之餘亦可掩人耳目。
咀出真感情
去年 11月，陳偉霆與阿 Sa因拍電影《美麗密令》搭上，兩人鴛鴦戲水之餘，更有一幕火辣牀戲。

牀戲逐格睇
擒
咀
啜

情侶檔銀
有阿 Sa照， William的工作亦接個不停，早前兩人齊齊拍攝 addias廣告，情侶檔銀。

今年 4月，阿 Sa為男友 William的 MV〈寧心箭〉做女主角，兩人奉旨親熱。

baby微博寸爆
今年 3月的離婚記招上，箍煲失敗的鄭中基難掩傷痛，喊到豬頭咁，而去意已決的阿 Sa當日亦交晒戲用紙巾抹眼淚。

知情者話︰「阿 Sa呢幾年搵好多錢，佢見唔少情侶檔拍住上，對大家事業都有幫助，而 William亦話過搵夠 3千萬同佢結婚，阿 Sa已經同公司講咗希望同男友齊齊拍住搵食。」
為了與男友拍住上搵錢，阿 Sa自爆與陳偉霆相戀三個月，可惜最近有報道指兩人長期在紅磡包房幽會。同時間，陳偉霆舊愛 Angelababy亦在微博寸爆兩人︰「真的相信他們只有三個月嗎？」暗指 William一腳踏兩船及阿 Sa撬牆腳。
10月 13日阿 Sa出席 EP發布會時，拒絕回應包房幽會，只說︰「唔回應嘞，都知道好多流言蜚語，自己講咩都冇用，俾番條路我行。（ baby微博暗寸你哋唔只拍拖 3個月。）我上網睇唔到，打過俾 William，佢話唔信 baby會咁做。」
「小幼苗」暗喻戀情
對於所有指控，阿 Sa全部迴避，更兩次以自己愛穿環保衫來暗喻戀情︰「有啲嘢表面睇嚟好糟糕，但佢都有靚的一面。」並信心十足話︰「外人點睇我唔理，自己開心就得，幸福係自己嘅，唔好俾其他聲音影響。」並以「小幼苗」來形容與男友的新戀情，寓意要小心保護它。又話希望可以像新歌〈簡簡單單〉咁，可以輕輕鬆鬆談戀情。
記者問她陳偉霆為她改愛的紋身，她冧笑話︰「唔知，唔清楚。（有冇見過個紋身？）……冇呀！（你會唔會紋番對方個名？）呢一刻唔會，等個天安排啦。（係咪好享受同男友情侶檔演出？）都係睇個天安排啦。」話就話睇個天安排，但得到有米女友阿 Sa照起，自稱僅得七位數字積蓄的 William，當然財色兼收啦。

一向花弗的陳偉霆， 09年拍電影《愛出貓》後，狂追 G.E.M.，女方更在 blog中大爆兩人睇戲。

去年尾 William與阿嬌拍電影《前度》，戲中多場火辣場面，阿嬌更主動出擊冧仔，但當時男方已冧掂阿 Sa，並公開拒愛，表示只當阿嬌「家姐」。

緋聞當宣傳
有愛情滋潤的阿 Sa，心情靚爆。 10月 13日出席唱片發布時，儘管面對背夫溝仔指控，但提到 Wiliam愛的紋身，她禁不住冧笑，又以「小幼苗」形容與男友的戀情，多次叫記者俾空間佢哋。

阿 Sa被大批記者包圍，談到她「背夫溝仔」，她面色一沉，對「包房幽會」一事拒作回應。

紋身留愛的印記
不少明星拍拖時甜蜜蜜齊齊紋下情侶紋身，直至分手時，會將紋身圖案改掉或剷走。

張繼聰 09年在音樂會上展露右手愛的紋身「 K JAMES」（即太太謝安琪 Kay及囝囝張瞻 James）。《 Face》圖片

張栢芝 02年以「 NCC」紋身展示對謝霆鋒的愛，及後兩人分手，她曾改動紋身圖案。直至兩人復合，她又在腳上紋了一個「 FZ」和玫瑰糾纏在一起的紋身，寓意鋒芝永遠纏在一起，不會分離。

鄭中基 05年，鄭中基與阿 Sa熱戀，據知他在手臂上紋上阿 Sa全名「 Charlene」，不過有傳他與阿 Sa離婚後，已將紋身剷走。

謝霆鋒當年與王菲拍拖，齊齊在背脊近臀部紋下「比翼雙飛」紋身。

吸金半億
阿 Sa出道十年，近年豬籠入水，成為英皇除容祖兒外，最賺錢女星，年賺 3千多萬，廣告、電影、電視劇拍不停，成為女吸金王。加上阿 Sa屬穩陣派，賺了錢就會一炮過買樓，而每次投資都有斬獲，估計她身家逾半億。
微博出招
自阿 Sa在微博晒新戀情後，她便成為近日微博關注人數最多的偶像，不過過氣情敵 Angelababy卻乘機在此反擊。

10月 10日承認戀情
報章踢爆阿 Sa同 William拍拖，他倆當日透過英皇發聲明，承認兩人拍拖 3個月，並指順其自然拍拖。

10月 11日為自己打氣
與 William回港當日，阿 Sa做足心理準備見傳媒。

舊愛寸爆
阿 Sa與 William高調晒恩愛，男方前女友 Angelababy即在微博踢爆兩人一早有路。

10月 12日身心疲累
一連兩天，被傳媒追訪，阿 Sa身心俱疲。

改口祝福
Baby的言論引起軒然大波，翌日她改口風祝福情敵。

10月 13日記招如戰場
周刊指阿 Sa紅磡包房與男友幽會，阿 Sa有備而戰出席新碟記招。