網上條片去到盡，上週四（ 11日），伍仔在銅鑼灣為本刊影相，除衫前佢堅持要戴番副黑超話：「咁我先入到戲！」
搜尋氣
惡搞〈肛男〉黑手 我要做網帝
呢期最 hit〈江南 Style〉，人人爭住扮韓國肥男 PSY跳馬舞，除咗鄭伊健同曾志偉都要惡搞外，上星期有一段叫〈肛男 Style（ made in Hong Kong）〉的改詞短片在 YouTube熱播，短短六日（截至上週五）已有 18萬點擊率。
〈肛男 Style〉惡搞黑手，原來係特約演員出身、人稱伍仔的伍晉陞，佢由 20歲開始做老臨做到 28歲。做視帝冇可能，伍仔話惟有寄望做網帝。
我做特約演員 11年，到近幾年開始拍網上短片，以前做特約嗰陣有時一個月搵得 2千蚊，其實係唔夠日常開支。我知道網上拍片曝光夠快，提高知名度可以搵多 啲錢，今次算係做到。以前要做健身教練幫補， 𠵱家做網絡藝人仲紅過做無綫演員，拍片梗係想多人識，今次〈肛男 Style〉講同性戀先夠爆，啲人一定會記得我。 𠵱家我收入穩定咗，因為有人會搵我拍廣告，收入好過打工啦！
原版〈江南〉
在短片中有份出鏡的女友「高妹」，喺片中開頭戴超唱惡搞歌詞，雖然出鏡幾分鐘，但她已好滿足。
喺電視台 8年都係「等」，你可以話我等運到，講真 TVB點會捧我哋特約，家陣我算等到啦，不過都只限網絡上，所以我 𠵱家最想做網帝，喺網絡上稱王一樣可以搵到錢。
其實我都想置業買樓，不過呢個太遙遠啦，女朋友都有喺〈肛男〉入面出鏡，佢都想喺網上拍片時多啲人識，不過我同佢講明唔會結婚生仔，我哋有共識，唔關錢事嘅，只係唔想太隨波逐流。
去年網上熱播的《大食女友》一、二、三集由伍仔主演，講女朋友廿宗罪，點擊率 3套夾埋過 100萬。
雖然 YouTube熱播，但可惜條片有爆粗又講男男戀，搞到負評都有好多。「香港人就係咁，未了解成件事就 dislike，所以我會寫明 made in H.K.。」
伍仔（紅圈）做老臨多年，乜都演過，扮過警察又做古惑仔。喺《點解阿 Sir係阿 Sir》中扮古惑仔恐嚇楊怡，得一句對白。
留言列表
{{ article.title }}
