5呎 5吋高嘅林秀晶,雖無導彈身材,但勝在身形均勻,而且對腳超靚,最重要演技好,喺模界同電影圈都好吃香。

韓面

SKII美中女林秀晶 童顏搶影后

2012年10月17日 ~~ 第282期 Face

化妝品名牌 SKII,專搵又靚又紅嘅中女代言,大中華區有湯唯、日本有靚太小雪;而韓國代表就係今年 33歲的氣質美女林秀晶,最近佢個全效活能修護眼霜廣告喺電視晚晚播,紅到嚟香港。
唔係標準靚女樣,但勝在氣質滿瀉的林秀晶,做模紅爆、做戲更加掂,尤其今年中韓國上畫的《家有刁妻》,扮演刁蠻兼豪放人妻個個讚,套戲至今已衝破 450萬入場人次,成 2012最賣座愛情片,分分鐘年尾攞埋影后,中女一樣大把市場。

今年 33歲的林秀晶, 19歲時憑住做韓國時裝雜誌《 Ceci》模特兒起家,入行至今個樣 keep住咁後生,韓國傳媒封佢為「童顏女優」,亦因氣質清新,另外一個朵叫「氣質美女」。入行 14年以來,林秀晶只拍過 3部電視劇,主攻電影市場的她,至今拍過 11部電影,講到代表作,一定係今年中上映的《家有刁妻》,扮刁蠻人妻勾佬,演技夠放兼且有幽默感,韓國傳媒睇好佢年尾必橫掃各大電影節影后獎。


CM日日播
由林秀晶任代言嘅 SKII全效活能修護眼霜廣告,最近晚晚喺香港電視台日播夜播, hit到爆。


港鐵又係佢
除咗電視,林秀晶嘅廣告大頭海報,亦大大張貼喺銅鑼灣港鐵站嘅恆生銀行隔籬, 㩒錢一定見到佢。

食豬頭保靚樣


除咗演技好,林秀晶最出名係有氣質而且皮膚勁靚,所以近年化妝品名牌 SKII都搵佢做生招牌。講到美容心得,林秀晶話時間同精力一樣都不能少。首先每日要喝 2公升水,林秀晶就算唔帶手袋亦一定要帶水壺出街,其次是做帶氧運動,因運動可促進血液循環而加速皮膚新陳代謝。據知林秀晶閒時亦會食豬頭肉,因豬頭含有豐富骨膠原,對女士保持青春甚有幫助。


戲中飾演林秀晶老公的李善均,覺得老婆專制又野蠻想同佢離婚,但有時老婆都會扮嗲,仲好主動坐老公大髀,冧男人有一手。


偷食唔避忌
於電影《家有刁妻》中,林秀晶同飾演花花公子嘅柳承龍有多場出軌戲,睇柳承龍從後熊抱攬實林秀晶,咁明目張膽,好心偷食就避忌啲啦!

傳美國結婚


雖然又紅又靚女,但林秀晶入行 14年一直冇乜緋聞,最大單只有同韓劇《咖啡王子》男主角孔侑,曾被目擊一齊拍拖同遊濟州島,而早前更有傳她與孔侑在美國秘密註冊結婚,但報道出街後,林秀晶即否認,仲好大反應話:「只係荒唐謠言,我要搵出爆料人,然後依法處理。」講到咁決絕,小心以後冇彎轉喎!


19歲:做《 Ceci》模
98年加入韓國時裝雜誌《 Ceci》做專屬模。當時經雜誌悉心改造後成個靚晒,仲經常當上封面女郎。


14歲:娘爆時代
14歲時,林秀晶眼細鼻大,仲戴住副眼鏡,十足鄉下妹咁款,完全冇星味。

專搵美魔女


SKII最鍾意搵成熟得嚟有女人味嘅女星做代言人,尤其韓國方面,除咗林秀晶,另外兩個生招牌,好似同樣係 45歲嘅金喜愛及沈惠珍,皮膚白到似剝殼蛋,個樣仲 keep得好過後生女,絕對係美魔女代表。

金喜愛


皮膚幼滑又識保養嘅金喜愛,近年同林秀晶一樣被 SKII睇中做代言人。而 45歲愛姐早於 84年已入行,拍過 4套電影, 7套電視劇, 03年仲攞過《百想藝術大賞》嘅影后,有樣有演技。


夠幼滑



沈惠珍


同金喜愛一樣係 45歲嘅沈惠珍, 92年入行至今,拍過 20部電影同 13套韓劇。由於珍姐無論樣貌同身材保養得 fit過後生女,近年 SKII亦搵佢代言做招財貓。


身材 fit



撰文:何家文

arrow
arrow
    全站熱搜

    tvb4life 發表在 痞客邦 留言(0) 人氣()