何國鉦苦操半年，擺脫過往浮腫又唔健康的身形，現在有腰有胸肌，但他說仍要繼續練大隻。
今期流行
何國鉦 練肉真人騷
近來不少男士都話要減肥操肌，張家輝、張繼聰、杜汶澤更加練到有六嚿腹肌，羨煞一眾男士，就連時裝設計師何國鉦（ Dorian）都話要肥變瘦。身材一直略胖的他，去年出現肥腫身形，原來身體響了警號，「平日食好多鮑參翅肚，舊年又食好多大閘蟹，食得多又唔做運動搞到有脂肪肝。」
半年前他決心搣甩肥膏，本刊直擊他六個月來苦練過程，由零運動變成有肌肉的 fit身形。
禍從口入
四十二歲的何國鉦，今年初做身體檢查，發現膽固醇超晒標，全因食得過分，本身有乙型肝炎的他，當時出現脂肪肝的情況，加上家族又有心臟病和肝病的前科，不想被病魔埋身的他說：「醫生話如果唔理，隨時會變肝硬化，年紀大又唔做運動，實死！」
從來唔做運動的 Dorian，走入健身室決心要改變自己，他分了三個階段逐步來鍛鍊，首階段由基本的拉筋做起，並配合簡單的熱身運動，「教練話呢個階段是要叫醒肌肉，糾正姿勢，加強心肺功能，以前我連蹲底、單腳企嘅動作都做唔到。」他又配合清淡飲食，減鹽減油，連至愛甜品都戒埋。
9月練跑 keep fit明顯瘦了兩個碼的 Dorian，每日會跑步半小時 keep住身形。胸:37.5 
去年 Dorian明顯有雙下巴，肚腩幾乎逼爆西裝。 
8月練肌肉成功減磅後， Dorian想身形更有線條，勤舉啞鈴練手臂。
做器械操練，可加強腰和大腿的訓練。 
練肌肉，除了練體能，亦需要飲健身奶粉補充蛋白質。 
胸:36
減脂增肌
今年四月，變身健碩男計劃開始，他先花三個月時間提升全身柔軟度和平衡力。在教練 Barry指導下，他由最初的一百六十磅減到一百四十五磅，達到燃燒脂肪效果，「表面上磅數只是減咗十五磅，感覺成個人都精神咗，以前都試過減肥，靠食減肥藥或者節食，但亦好易反彈。」
八月中他開始第二階段練肌肉，做一些重量級器械，並開始飲用可幫助練 muscle的奶粉，「做器械可練胸肌、二頭肌和大腿肌，令線條更靚。」
經過一個多月的器械鍛鍊，他終練成三十七吋半胸肌，腰圍減至三十一吋半，並進入最後階段。此階段目的是要 keep住身形和體重，但不用頻頻去健身，每天半小時的緩步跑已經足夠。 Dorian滿意的說：「我唔係想練大隻肌肉型，自己做 fashion，只想有番線條著衫好睇啲，今次減到磅自信心都大咗，最重要係身體狀況好咗，膽固醇指數跌番正常水平，仲愛上做運動。」
7月練柔軟度教練幫 Dorian做由手至腳的拉筋動作，令他叫苦連天。 
Barry利用健身球，教他做無影櫈的動作，練習腰腿力。 
每隔兩星期， Dorian都會量度三圍 check住進度。胸:35 
減肥期間，他自備白烚雞肉和蔬菜。 
撰文：羅婉玲
攝影：葉志明
場地提供： Pure Fitness（朗豪坊辦公大樓）
留言列表
{{ article.title }}
