自校方要求學生不得在中午在城軒用膳，茶樓勁多「吉枱」，主任都表示生意大跌！
U Spy
城大茶樓師生隔離
高考同 DSE同學一齊升上大學，令圖書館、班房、宿舍全部爆棚， lunch時間想搵張枱都難，不過城大出晒名嘅城軒，竟在午市時勁多「吉枱」。
Spy八到原來早前有近 10名同學喺酒樓大聲爆粗，結果同場飲茶嘅教授聽到就覺得班同學冇尊重其他人，冇耐校方就出通知，話城軒每日由 12:00至 13:30禁止學生進入。 Spy上星期去城大睇過，教職員幫襯嘅城軒明顯坐唔滿，但門口就有大批學生等位等到瞓着覺。城軒黃主任就話：「其實本來合約寫明只供教職員， 𠵱家搞出禁止學生用膳，明顯茶樓同學生都大受影響！」其實嫌學生爆粗，就話要禁午飯時冇得進入茶樓， spy認為，學生爆粗固然唔好，但唔通 13:30後入去飲茶，就可以擔保一定唔講粗口咩？呢個邏輯， spy晒頭！
等到瞓着
同學 12時已經在茶樓外等位，由於點半才可入席，所以 spy見女生等到瞓着。
我見到城軒門外有告示，並有學校蓋印，故同學都不敢違規入內飲茶。
城軒
黃主任
如果同學一早合作啲就唔會搞成咁。
Rachel
茶樓根本未爆，點解要我哋受苦呆等！
U Spy：校園至爆猛料， U Spy一定睇實。 
全站熱搜
留言列表
{{ article.title }}
